Mataayo 12:41 - Eriiraghano Eriihë

⁴¹ Orosiko ro ghotena ekiina, abhaato bha moghya o Ninaawi mbakwimeerera haghirohamu na abhaato bha rwibhoro runo na kobhatenera ekiina. Neekubha hangʼu gho kubha, abhaato bha Ninaawi ꞉mbaatuukuuniire amasari ghaabho eriibhagha bhooghwire Yoona araraghani angʼana e Ryobha. Mutëghëërërë, hano haanyi no omokoro ghokera Yoona!

Mataayo 12:41 ပူးပေါင်းရင်းမြစ်များ

Mataayo 12:39

Yesu akabhagharokeri akabhugha, “Orwibhoro ro bhaato abhabhe bhano bhataanyi abhahëënë mbakwënda ekyërëkërëri! Ntëëköbhëërëki ekyërëkërëri ghyokyose, nanyinga kino Eryobha riköriri gho kohetera omurööti Yoona.

Mataayo 12:42

Orosiko ro ghoteneru ekiina, marikiya o ribhaara re bhachuuta nakwimeerera na kobhatenera ekiina abhaato bha rwibhoro runo. Neekubha hangʼu gho kubha iwe ꞉naaruure mo‑se e kurë kubha ache ghutëghëërëra amangʼiini gha mutëmi Seremaani. Mutëghëërërë, hano haanyi no omokoro ghokera Seremaani!”

Mataayo 12:45

Mbe, nooghuye wimoki emisambu emebhe eghende mohungate ghino emebhe ghokera ryo. Emisambu ghyose ghiyo ngekomusöhërëra omooto uyo, ghimanya mo‑mobhere waache. Gho ghayo, antenero e riimanya re mooto uyo ribha ibhe chwee ghokera e rimbërë. Hangʼu nibhu ekubha kwo bhaato bha rwibhoro runo orobhe.”

Mataayo 12:6

Amare ˆnekabhabhoorera inyu kubha hano naanyi‑ho uno anyi omokoro ghokera Erisëngërö.

Mataayo 16:4

Orwibhoro ro bhaato abhabhe bhano bhataanyi abhahëënë mbakwënda ekyërëkërëri. Ntëëköbhëërëki ekyërëkërëri ghyokyose nanyinga kiire ke murööti Yoona.” Niho Yesu akabhatigha, aghatanura.

Mataayo 17:17

Yesu akabhagharokeri akabhugha, “Inyu orwibhoro runo rotaaghokumi, runo rorumeeriri! Neghwikara na niinyu na kobhaghumereri mbagha nyingake? Momurëëtë hano omoona uyo!”

Mataayo 23:36

Mahëënë ˆnekabhabhoorera, Eryobha ndekobhatenera ekiina abhaato bha riibhagha rino ri ibheere kwo masari ghoose ghano bhaköriri.”

Ruuka 11:32

“Wiiki, orosiko ro ghoteneru ekiina abhaato bha moghya o Ninaawi mbakwimeerera haghirohamu na abhaato bha rwibhoro runo na kobhatenera ekiina kubha m‑bhaköri bha masari moonyi. Neekubha hangʼu gho kubha, abhaato bha Ninaawi ꞉mbaatuukuuniire amasari ghaabho hano bhooghwire Yoona araraghani angʼana e Ryobha. Amare ˆnekabhabhoorera inyu kubha, hano naanyi‑ho umu omokoro ghokera Yoona.

Yohana 3:31

Mbe, uno aruure Mwishaaro, naanyi no obhotoro ghokera abhaato bhoose. Wowoose uno akoru mo‑se, naghosiikëra amangʼana gha mo‑se. Amare uno aruure Mwishaaro, naanyi no obhotoro ghokera abhaato bhoose.

Yohana 4:12

Sookoro wiito Yakobho niwe ꞉atoheere eghesima kino, woose naare aranyo amanche ghano haghirohamu na abhaana bhaache na chaatugho cheeche. Kana, nokwirighi iye m‑mokoro bhobhe komokera iwe?”

Abharuumi 2:27

Abhaato bha matöngö bhatasaaruru, amare erabha mbaghuköra kinya bhuno emeghiro ghekwërëkërëri, amaköri ghaabho ngaghoghughambera kubha iye Omuyahuuti n‑omuköri amasari onyi. Neekubha hangʼu, gho kubha iye Omuyahuuti nusaaruru, wiiki weeche emeghiro ghe Ryobha, amare noghusari emeghiro ghiyo.

Abheebhuraaniya 11:7

Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.