Mataayo 12:34 - Eriiraghano Eriihë

³⁴ Inyu orwibhoro ro nchöka! Nibhu moghotora ghosiikëra amangʼana amachömu eriibhagha inyu moonyi bhabhe? Gho kubha omooto naghosiikëra ghano ghiichwire mo‑motema waache.

Mataayo 12:34 ပူးပေါင်းရင်းမြစ်များ

Mataayo 12:35

Omooto omuhëënë naharuusi amachömu koru mo‑machömu ghano ghiichwire mo‑motema waache, amare omooto omobhe naharuusi amabhe koru mo‑mabhe ghano ghiichwire mo‑motema waache.

Mataayo 15:18

Amare ghyokyose kino gheekoru mo‑monu o mooto, ngekoru mo‑körö yaache, nikyo ghekomuköra omooto kubha moghonchu.

Mataayo 23:33

Inyu bhano moonyi kinya anchöka, na niinyu bhano moonyi kinya abhaana bha machöka! Nibhu moghotora ghwisacha anchagho e Ryobha e mwiribha re mororo?

Mataayo 3:7

Amare hano Yohana arooche Amabharisaayo na Amasatukaayo bhakamutambana kwo bhwaru kubha abhabhatiise, akabhabhoorera akabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha?

Ruuka 3:7

Ibheere abhaato bhaaru bhakaacha o‑Yohana, kubha abhabhatiise, amare akabha arabhabhoorera arabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha!

Ruuka 6:45

“Hangʼu hangʼu omooto omuchömu, nokomumënya kwo maköri ghaache amachömu ghano ghahaaru mo‑motema waache omuchömu. Koru omooto omobhe bhuure bhuure, nahaaköra amabhe kurëngʼaana na amabhe ghano ghahaaru mo‑motema waache omobhe. Mbe, amangʼana ghano omooto aghosiikëra, n‑ghaare ghiichwire mo‑motema waache.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abhaebheeso 4:29

Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 5:4

Motasiikëra amangʼana gha chaasoni, na amangʼana gha ghighëëghë hamu kuhakaana, ghayo ghataakwëndëru ghokoonyu. Amare amangʼana ghano ghakwëndëru, n‑gha koriitabheri Eryobha.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.