Mataayo 12:3 - Eriiraghano Eriihë

³ Yesu akabhagharokeri akabhugha, “Kana, motaasömiri mo‑Mandëkö Amatööbhiyu bhuno omutëmi Tawuti ꞉aköriri, eriibhagha are na anchëra iwe na abhaghëndi?

Mataayo 12:3 ပူးပေါင်းရင်းမြစ်များ

Mataayo 12:2

Amare Amabharisaayo hano bhagharooche ghayo, bhakamobhoorera Yesu bhakabhugha, “Mööhi, abhaanabheegha bhaacho mbaghuköra emeremo orosiko ro Riikane, na ghano ghataakwëndëru ghuköru orosiko ruyo!”

Mataayo 12:4

꞉Naasöhiri mo‑nyumba e Ryobha, akamara iwe na abhaghëndi bhaache bhaakarë emighaate ghino ghetooruru ambërë e Ryobha. Mbe, ꞉mbaariire emighaate ghiyo, ino emeghiro ghetabhiishereriiri, abhaato bhano bhiishereriiru kurë emighaate ghenga ghiyo na abhachaama abheene chiri.

Mataayo 12:5

Hamu motaasömiri mo‑meghiro ghe Musa kubha abhachaama bha Mwisëngërö mbaare bharasari emeghiro orosiko ro Riikane, koru hangʼu Eryobha retabhabhariri kubha, mbaköriri kobhe?

Mataayo 19:4

Yesu akabhagharokeri akabhugha, “Kana, mokeere motaamara musöma mo‑Mandëkö Amatööbhiyu kubha korwera simoka, ‘Eryobha ꞉ndeebhabhombiri omosubhe no omukari?’

Mataayo 21:16

Bhakamobhoori Yesu bhakabhugha, “Kana, nokooghu bhuno abhaana bhano bhakobhugha?” Yesu akabhagharokeri akabhugha, “Nyoghwire. Kana motaamara musöma amangʼana ghano ghaandëkuru mo‑Mandëkö Amatööbhiyu kubha, ‘Mo‑menu ghe bhaana abhasuuhu ne ebhengʼwerere, nimu muyo asëëmiiri aghongo’?”

Mataayo 22:31

Amare, mahëënë abhaku mbakoryoka. Mbe, motaamara ghusöma kebhuno Eryobha ꞉reebhabhooriire? Rekabhabhoorera rekabhugha,

Maariko 12:10

Kana, motaamara musöma Amandëkö Amatööbhiyu ghano? ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.

Maariko 12:26

Amare, mahëënë abhaku mbakoryoka. Mbe, motaamara ghusöma mo‑ghitabhu ke Musa, kebhuno Eryobha ꞉reebhughiri mo‑ghisaka kiire keere keraaka omororo? Eryobha ꞉ndeemobhooriire Musa rekabhugha, ‘Eni n‑Eryobha re Abhurahamu, na Isaka na Yakobho.’

Ruuka 10:26

Yesu akamugharokeri akabhugha, “Neke kyandëkuru mo‑meghiro? Nibhu oghoghisöma?”

Ruuka 6:3

Yesu akabhagharokeri akabhugha, “Kana, motaasömiri mo‑Mandëkö Amatööbhiyu bhuno omutëmi Tawuti ꞉aköriri, eriibhagha are na anchëra iwe na abhaghëndi?