Mataayo 10:26 - Eriiraghano Eriihë

²⁶ “Mbe, motabha morabhatiina abhaato bhayo. Egheghiro ghyokyose kino ghekundekiiru ngekohunyuru, na kino kebhisuru ngeghotooru haheero.

Mataayo 10:26 ပူးပေါင်းရင်းမြစ်များ

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Maariko 4:22

Mbe, ghyokyose kino ghekundekiiru, ngekohunyuru. Wiiki, ghyokyose kino kebhisuru ngeghotooru haheero.

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Ruuka 8:17

“Hangʼu hangʼu, ghyokyose kino ghekundekiiru ngekohunyuru, na kino kebhisuru ngeghotooru haheero na kumënyu.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 4:13

Abhakoro bhayo bhakaroghoora chwee korighi kubha Bheetero na Yohana mbasiikiire kwo bhosubhesubhe, wiiki mbaare bheeche kubha ibho m‑bhaato bha hangʼu hangʼu bhano bhatasömiri. Niho bhakamënya kubha Bheetero na Yohana mbaare haghirohamu na Yesu kwo riibhagha riyo.

Amaköri gha Bhatomu 4:19

Amare Bheetero na Yohana bhakabhagharokeri bhakabhugha, “Inyu abheene, mumööhi aribha eghuchömëra mo‑miisho gha Ryobha, kobhasooka inyu ghokera koresooka Eryobha.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.