Mataayo 10:23 - Eriiraghano Eriihë

²³ Mbe, hano mookubha moraraghani, bharabhakörëra kobhe mo‑moghya umu, mungʼösërë mo‑moghya owonde. Mahëënë ˆnekabhabhoorera kubha, motaakomuntaani ghughënda mo‑meghya ghyose ghe Isiraeri, eni Omoona o Mooto netaamara niicha.

Mataayo 10:23 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 2:13

Hano bhamariri ghutanura abhamënyi bha chanchöta, mööhi, marayika o Mutëmi akamorwera Yusubhu mo‑riröötö, akamobhoorera akabhugha, “Bhooka! Wimoki omoona na nyina waache, mungʼösërë mo‑se e Miisiri. Mwikare iyo iyo mbagha eriibhagha rino nekuucha kobhabhoorera, gho kubha Herote nakuucha komutabhara omoona uyo kubha amwite.”

Mataayo 23:34

“Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Mataayo 23:36

Mahëënë ˆnekabhabhoorera, Eryobha ndekobhatenera ekiina abhaato bha riibhagha rino ri ibheere kwo masari ghoose ghano bhaköriri.”

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Mataayo 24:30

“Niho ghekorighibhu ekyërëkërëri ke Moona o Mooto mwishaaro na abhaato bha matöngö ghoose mbaghusëëma korera kwo haho. Hano nekuucha, abhaato bhoose mbakondighi mo‑mashaaro neenyi na changuru no obhokumi obhokoro.

Mataayo 24:34

Mahëënë ˆnekabhabhoorera, orwibhoro runo rotaakoheta, amangʼana ghano ghoose ghakeere kohikeerana.

Mataayo 24:48

“Amare aribha omusësë uyo m‑mobhe, naghwituuri mo‑körö yaache arabhugha, ‘Omutëmi waane naghukëëchëra ghugharuka,’

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”

Mataayo 26:64

Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Mataayo 4:12

Mbe, Yesu hano oghwire kubha Yohana Omubhatisaachi nabhöhuru mwighërëcha, aghaye mo‑mukööwa o Ghariraaya.

Maariko 13:26

“Niho abhaato bhoose mbakondighi Omoona o Mooto neraacha mo‑mashaaro gho changuru chaaru no obhokumi obhokoro.

Ruuka 18:8

ˆNekabhabhoorera kubha, ndekobhaha obhuhëënë bhoobho bhwango. Amare, hano eni Omoona o Mooto nekuucha ghugharuka mo‑se ino, nekubhöna abhaato bharankumi?”

Ruuka 21:27

“Hayo niho abhaato bhakondighi eni Omoona o Mooto, neraacha mwishaaro, neenyi na changuru no obhokumi obhokoro.

Yohana 7:1

Ghaache koheta ghayo, Yesu aghasëëma kwinaara mo‑meghya ghe Ghariraaya. Tëëndiri kwinaara Yuteya, gho kubha abhakangati bha Bhayahuuti mbaare bharatabhara komwita.

Amaköri gha Bhatomu 17:10

Hano bhwiriri, Abhakirisito abhaghëndi bhaabho bhakabhakumeereri Bhawuro na Siira bhaghëndë mo‑moghya o Bherooya. Hano bhahikiri iyo, bhaghasöha mo‑risinaghooghi re Bhayahuuti.

Amaköri gha Bhatomu 17:14

Niho abhakumi bhaghëndi bhaache bhakamuhërëëkërëra Bhawuro, aghi bhwango haghuhe na anyancha. Amare Siira na Timotewo ibho bhaghasaagha hayo Bherooya.

Amaköri gha Bhatomu 20:1

Mbe, anyööri e hayo Ebheeso yiiche ghosira, Bhawuro akabhabherekera Abhakirisito bha hayo, akabhatoora omukörö, akabharagha, aghaye mo‑mukööwa o Maketoniya.

Amaköri gha Bhatomu 8:1

Sawuri woose ꞉niisheriiri gho ghwitu gho Siteebhano. Orosiko ruyo hakarwera anyaako ihaari chwee mo‑bhaato bha mo‑kanisa iyo Yerusareemu. Abhaghëndi bhaaru bha Yesu bhaghasancha, bhakangʼösëra mo‑mikööwa ghe Yuteya na Samaariya. Amare abhatomu bha Yesu, bhaghasaagha Yerusareemu.