Mataayo 10:2 - Eriiraghano Eriihë

² Amariina gha bhatomu bhayo ikomi na bhabhere nigho ghano: O mumbërë n‑Simiyooni uno akobherekeru Bheetero, na Andereya omonyi waache, na Yakobho mwërëëti o Sebhetaayo, na Yohana omonyi waache,

Mataayo 10:2 ပူးပေါင်းရင်းမြစ်များ

Mataayo 17:1

Hano chehetiri chaasiko ishaasabhe, Yesu akiimoki Bheetero, na Yakobho na Yohana ömööbhö Yakobho. Aghatiira nabho mo‑gheghoro kire, ahaghiro hano abhaato bhataanyi.

Mataayo 20:20

Niho muka Sebhetaayo akaacha o‑Yesu na abhaana bhaache bhabhere, akabhuna ebheru ambërë yaache na ghusabha egheghiro kimu.

Mataayo 26:37

Akabhiimoki Bheetero haghirohamu na abhaana bhabhere bha ghesubhe bha Sebhetaayo, aghasëëma kubha na amacheeche na kunyaaka chwee mo‑körö yaache.

Mataayo 4:18

Hano Yesu are araghënda rubhareka ro nyancha e Ghariraaya, ꞉naarooche abhaweesani bhabhere, Simiyooni uno ꞉abherekiiru Bheetero na Andereya ömööbhö. Bhayo bhabhere mbaare bhararëkëra charwërö mo‑nyancha, gho kubha m‑bhaweesani ꞉bhaare.

Mataayo 4:21

Hano Yesu aghëndiri ghuye ambërë hasuuhu, akabharighi abhaato abhande bhabhere, bhërëëti bha Sebhetaayo Yakobho na Yohana. Bhayo bhabhere mbaare mo‑bhwato haghirohamu na Sebhetaayo ishe waabho, mbaare bharaköra charwërö cheebho. Yesu akabhabherekera.

Maariko 1:29

Hano bharuure mo‑risinaghooghi, bhaaghaye haghirohamu na Yakobho na Yohana, awaache Simiyooni na Andereya.

Maariko 13:3

Hano Yesu are ikeere mo‑gheghoro ke Miseyituuni, amohëriiri Erisëngërö re Ryobha, Bheetero, na Yakobho, na Yohana na Andereya bhakamusëëta. Bhakamobhoori kibhacho bhakabhugha,

Maariko 6:30

Hano abhatomu bhayo bhagharokiri o‑Yesu, bhaghiikomana ambërë yaache, bhakamobhoorera ghoose ghano ꞉bhaaköriri na ghano bheeghiri abhaato.

Ruuka 11:49

“Nikyo ꞉ghiighëriri Eryobha rekabhugha hangʼu kwo mangʼiini ghaache, ‘Nekobhatomera abharööti na abhatomu. Amare, abhamu mokobhiita, na abhande mokobhanyaaki.’

Ruuka 22:14

Eriibhagha re ndaaghëra rekahika, Yesu aghiikara haghirohamu na abhatomu bhaache mo‑ndaaghëra.

Ruuka 22:8

Ibheere, Yesu akabhatoma Bheetero na Yohana, akabhabhoorera, “Mughëndë, motusëëmërë ebhiinyakurë bhe Bhaasaka, gho ghiri turaaghërë haghirohamu.”

Ruuka 5:10

Yakobho na Yohana, bhërëëti bha Sebhetaayo, mbaare bharaweesana haghirohamu na Simiyooni. Bhoose ghakabharoghoori chwee. Ibheere Yesu akabhugha, “Oo Simiyooni, otatiina gho kubha korwera reero ino, nookubha omoweesani o bhaato, kinya bhuure ore omoweesani o chaasu.”

Ruuka 9:10

Abhatomu bhayo bha Yesu, hano bhagharokiri o‑Yesu, bhakamobhoorera ghoose ghano ꞉bhaaköriri. Akabhiimoki aghaye nabho mo‑moghya uno okobherekeru Bhetisaayita.

Yohana 12:22

Bhiiribho aghaye komobhoorera Andereya amangʼana ghayo, bhakamara bhombe bhaaghaye komobhoorera Yesu.

Yohana 13:23

Naare‑ho omoonamwegha umu, uno Yesu are asiighiri chwee. Iwe naare ikeere haghuhe na Yesu eriibhagha re ndaaghëra.

Yohana 20:2

Mbe, aghaye arayaara mbagha o‑Bheetero na kwo moonamwegha uno Yesu are asiighiri. Akabhabhoorera akabhugha, “Abhaato mbaruusiri erihundughu re Mutëmi wiito mo‑mbeehera, koru toteeche hayi bharehiriri!”

Yohana 21:2

Mbaare‑ho Simiyooni Bheetero, Tomaso uno eriina reeche erende n‑Eghisare, Natanaheri uno aruure Kana e Ghariraaya, abhaana bhabhere bha Sebhetaayo, na abhaanabheegha bhaache abhande bhabhere mbaare haghirohamu.

Yohana 21:20

Mbe, Bheetero aghiishoorori, akamorighi omoonamwegha uno Yesu are amosiighiri chwee, arabhatambana. Omoonamwegha uyo w‑wuure ikeere haghuhe na Yesu eriibhagha re ndaaghëra, na komobhoori arabhugha, “Oo Omutëmi, n‑niwe akuucha ghoghwigharurani?”

Yohana 21:24

Omoonamwegha uyo niwe uno aghoghaghambera ghano na ghoghaandëka. Itu ntweche kubha ghano akobhugha n‑gha hëënë.

Yohana 6:67

Niho Yesu akabhabhoori abhaanabheegha bhaare ikomi na bhabhere akabhugha, “Kana, na niinyu mokwënda ghontigha?”

Yohana 6:70

Niho Yesu akabhabhoorera akabhugha, “Nebhahwire inyu ikomi na bhabhere kubha abhaanabheegha bhaane, amare umu ghate yaanyu n‑o Rishambu.”

Yohana 6:71

Hayo Yesu naare aramosiikërëra Yuuta mwërëëti o Simiyooni Isikariyoote. Uyo niwe ꞉ichiri komwigharurani Yesu, koru nangabha are umu mo‑bhaanabheegha bhaache ikomi na bhabhere.

Yohana 6:8

Niho umu mo‑bhaanabheegha bhaache uno are arabherekeru Andereya, ömööbhö Simiyooni Bheetero, akamobhoorera akabhugha,

Amaköri gha Bhatomu 1:13

Bhaghasöha mo‑moghya, bhaaghaye bhaghatiira mo‑kenyumba ki irëngö kino ꞉bhaare bhariikara abhatomu bhayo. Abhatomu bhayo nibho bhano, Bheetero, na Yohana, na Yakobho, na Andereya, na Bhiiribho, na Tomaso, na Bhatoromaayo, na Mataayo, na Yakobho mwërëëti o Arubhaayo, na Simiyooni uno are o mo‑bhoyo bho Bhasërötë, na Yuuta mwërëëti o Yakobho.

Amaköri gha Bhatomu 1:26

Bhakamara bhaghatëma akuura, akuura ekamoghwera Matiya, aghatëmëëranibhu na abhatomu bhaare abhande ikomi na umwa.

Amaköri gha Bhatomu 12:2

Akahatëka kubha, Yakobho ömööbhö Yohana itu gho kinyamiino.

Amaköri gha Bhatomu 3:1

Orosiko rumu, Bheetero na Yohana mbaare bharaghe Mwisëngërö, eriibhagha re ghusabha Eryobha re chaasa kende che mwishe.

1 Abhakorinto 15:7

Akamara akiyëërëkani kwo Yakobho, na kwo bhatomu bhoose.

Abhaebheeso 4:11

Niwe ꞉aheere abhaato atuho, abhande akabhaköra bhabhe abhatomu, na abhande abharööti, na abhande abharaghani bha Ngʼana Anchömu, na abhande abhakangati bha riikanisa na abheeghi.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

1 Bheetero 1:1

Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.

3 Yohana 1:1

Eni omugharuka o riikanisa, neghokwandëkëra iye Ghaayo omosiighani waane, uno neghosiighiri kwo bhuhëënë.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

Obhohunyurëru 22:8

Eni Yohana ꞉neerooche na kooghu amangʼana ghayo eni mwene. Hano negharooche na ghoghooghu, neghagho kebhuuma ambërë e marayika uno anyëërëkiri amangʼana ghayo, kubha nemusëngërë.