Mataayo 10:17 - Eriiraghano Eriihë

¹⁷ Mubhe miisho na abhaato, gho kubha mbakobhahira mo‑mabharacha, wiiki mbakobhatëma mo‑masinaghooghi ghaabho.

Mataayo 10:17 ပူးပေါင်းရင်းမြစ်များ

Mataayo 10:18

Mbakobhahira ambërë e bhakangati na abhatëmi bha mo‑se ino gho ghiri yaane, kubha mubhe abhiibhateri bhaane ambërë yaabho na ambërë e bhaato bha matöngö.

Mataayo 20:19

na koohira mo‑bhaato bha matöngö kubha bhanchëërë, na ghuntëma emicharicho na kumamba mo‑musarabha. Amare orosiko ro ghatato, Eryobha ndekondyoki.”

Mataayo 23:34

“Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Mataayo 26:59

Abhakoro bha bhachaama bhayo na abhakangati abhande bha riibharacha eriikoro re Bhayahuuti mbaare bharatabhara obhwibhateri bho bhuröngö kubha bhabhönë anchëra e komwita Yesu.

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Maariko 13:12

“Kwo riibhagha riyo, omohiiri nakomwigharurani omohiiri waache na komuhaana mo‑mabhökö gha bhabhisa, kubha itu. Wiiki, omwibhori nakomuhaana omoona waache mo‑mabhökö gha bhabhisa kubha itu. Abhaana nabho mbakobhiigharurani abhiibhori bhaabho na ghughëri bhiitu.

Maariko 13:9

“Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Ruuka 12:11

“Hano mokohiru mo‑masinaghooghi, na ambërë e bhakangati, na bhano bhaanyi no obhotoro, koru hangʼu motanyaaka ighoro e ghano mokobhugha gho ghwitachura.

Yohana 11:47

Mbe, abhakoro bha bhachaama na Amabharisaayo bhakabherekera ekiina ke riibharacha eriikoro bhakabhoorani bharabhugha, “Tukörë bhu? Omooto uno naghuköra ebhyërëkërëri bhyaru.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Amaköri gha Bhatomu 17:14

Niho abhakumi bhaghëndi bhaache bhakamuhërëëkërëra Bhawuro, aghi bhwango haghuhe na anyancha. Amare Siira na Timotewo ibho bhaghasaagha hayo Bherooya.

Amaköri gha Bhatomu 22:19

“Eni nekaanga nekamugharokeri, ‘Oo Omutëmi, abhaato bhano mbeeche bhoheene kubha, neere neraheta mo‑masinaghooghi ghaabho nerabhaghööta bhano bhaghoghokumi! Bhoose bhano neere neratëmëërana nabho, neekabha nerabhabhöha, na kobharööna chwee.

Amaköri gha Bhatomu 26:11

Wiiki neere neraghe mo‑masinaghooghi gha Bhayahuuti kobharööna‑mu mara kaaru, mbagha bhamwange Yesu. ꞉Neebhakarariire chwee, mbagha neekabha nerabhatabhara koru na mo‑meghya ghe chaase echende.

Amaköri gha Bhatomu 9:2

akamusabha amuhë anyaarubha ino aghuye nayo mo‑masinaghooghi gha moghya o Tamaasiko, kubha arabhabhöna iyo abhaghëndi bha Yesu, abhasubhe na abhakari, abhaghöötë, na kobharëëta Yerusareemu.

Abhabhiribhi 3:2

Ibheere mubhe miisho na abheeghi bhaare bhaghusöhi emeghiro ghe Kiyahuuti mo‑makanisa ghiito, ibho n‑abhaköri bha mabhe, ibho mbaghokumereri ighoro e saaro.

2 Timotewo 4:15

Na niiye woose wikabhaahe nawe, gho kubha naare araanga chwee ameeghi ghiito.

Abheebhuraaniya 11:36

Abhamu mbaare bharabhachëëra na kobhatëma ne emicharicho. Abhande mbaare bharabhabhöha ne eminyörörö na ghotooru mo‑maghërëcha.