Mataayo 10:14 - Eriiraghano Eriihë

¹⁴ Aribha omooto atabhaghënëhiri hamu ataakobhatëghëërëra, mbe, mwikongʼoote orotu runo roonyi mo‑maghoro ghaanyu hano mokohoroka mo‑ka iyo, hamu mo‑moghya uyo.

Mataayo 10:14 ပူးပေါင်းရင်းမြစ်များ

Mataayo 10:13

Mbe, aribha bhaanyi‑mu abhaato bhano bharëngʼaaniire omurëmbë uyo, mobhasabhere kubha Eryobha rebhiitabheri. Amare aribha bhataanyi‑mu bhano bharëngʼaaniire, omurëmbë uyo obhagharukere inyu.

Mataayo 18:5

Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.

Maariko 6:11

Wiiki, hohoose hano bhataakobhasongʼaana hamu kobhatëghëërëra, hano moghutanura, mwikongʼoote orotu runo roonyi mo‑maghoro ghaanyu, ibhe obhwibhateri ghokoobho, kubha Eryobha ˆrekabhaanga.”

Maariko 9:37

“Omooto wowoose uno aghughënëhi omoona omosuuhu kinya uno kwo riina reene, naakubha angënëhiri eni. Wiiki, omooto wowoose uno aghungënëhi eni, tangënëhiri eni omwene. Mahëënë naakubha aghënëhiri Taata uno antomiri.”

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

Ruuka 9:5

Wiiki aka yoyoose ino abhaato bhaache bhataakobhaghënëhi, mohoroke‑mu, mwikongʼoote orotu runo roonyi mo‑maghoro ghaanyu. Gho ghuköra hangʼu, ibhe obhwibhateri ghokoobho, kubha Eryobha ˆrekabhaanga.”

Yohana 13:20

Mahëënë ˆnekabhabhoorera, omooto wowoose uno akomosongʼaana uno netomiri, nasongʼaaniri na neeni. Hangʼu hangʼu, uno aghonsongʼaana eni, namosongʼaaniri Taata uno antomiri.”

Amaköri gha Bhatomu 13:51

Niho Bhawuro na Bharinaabha bhaghakongʼoota orotu koru mo‑maghoro ghaabho kwërëki kubha Eryobha ndebhaangiri abhaato bhayo, bhaaghaye mo‑moghya o Ikoniyo.

Amaköri gha Bhatomu 18:6

Abhayahuuti bhayo bhaghasëëma komwanga na komotoka. Eghaghëri aghakongʼoota amaghööti ghaache ambërë yaabho, arabhabhoorera, “Amasaahë ghaanyu ngaakubha ighoro yaanyu inyu bheene! Eni teenyi‑ho ngʼana ino nekobhooribhu ighoro yaanyu korwera ibheere, neekubha neraghe mo‑bhaato bha matöngö aghande.”

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.