Mataayo 1:21 - Eriiraghano Eriihë

²¹ Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Mataayo 1:21 ပူးပေါင်းရင်းမြစ်များ

Mataayo 1:25

amare taamisiri nawe mbagha hano Mariyamu ꞉ibhwire omoona uyo o ghesubhe. Yusubhu akamoroka omoona uyo Yesu.

Ruuka 1:13

Amare, marayika uyo akamobhoorera, “Oo Sakariya, otatiina! Ghaare ꞉usabhiri Eryobha, ndimariri ghoghooghu. Ibheere mukaacho Rusabheeti, naghokwibhorera omoona o ghesubhe, omoroke eriina reeche Yohana.

Ruuka 1:31

Tëghëërëra! Ibheere noghughëgha anda, na wiibhore omoona o ghesubhe, no omoroke eriina reeche Yesu.

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Ruuka 2:21

Omoona uyo, hano ahikiri chaasiko inyaanye, bhakamusaara, bhakamoroka Yesu. Niryo eriina rino marayika wuure, are amorokiri, eriibhagha nyina are akeere ghughëgha anda.

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 4:42

Bhakamobhoorera omukari uyo bhakabhugha, “Mbagha ibheere ntomokumiri omooto uno taanyi gho ghiri e ghano ꞉otobhooriire agheene. Amare ibheere ntokomokumi gho kubha ntooghwire itu bheene ghano abhughiri. Wiiki ntumënyiri kubha, mahëënë niwe Omotoori o se.”

Amaköri gha Bhatomu 13:23

“Mo‑rwibhoro ro Tawuti nimu Eryobha ꞉reebharëëtiire Abhiisiraeri Omotoori Yesu, kinya bhuure ꞉reebharaghiire.

Amaköri gha Bhatomu 3:26

Mbe, hano Eryobha remwahwire omutamishi waache Yesu, ꞉ndeemotomiri ghokoonyu singa, kubha abhiitabheri gho koruusi mooto woose mo‑mabhe ghaache.”

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.