Mataayo 1:20 - Eriiraghano Eriihë

²⁰ Eriibhagha Yusubhu are ariihëëbha ghayo, mööhi marayika o Mutëmi akamorwera mo‑riröötö, akamobhoorera akabhugha, “Yusubhu, omoona o Tawuti, otatiina komokwira Mariyamu, gho kubha anda yaache nayebhwine kwo bhotoro bho Körö Ahörëëru.

Mataayo 1:20 ပူးပေါင်းရင်းမြစ်များ

Mataayo 1:18

Ghano nigho amangʼana gha kwibhoru kwo Yesu Kirisito. Mariyamu nyina Yesu, naare arwachiiru obhuku na Yusubhu. Amare hano bhaare bhakeere komisi haghirohamu, Mariyamu akarighibhu n‑inda anyi kwo bhotoro bho Körö Ahörëëru.

Mataayo 2:12

Rekamara, Eryobha rekabhashaangʼi mo‑riröötö kubha bhatagharuka wiiki o‑Herote. Gho ghayo, bhaghagharuka bhowaabho gho kohetera anchëra ayende.

Mataayo 2:13

Hano bhamariri ghutanura abhamënyi bha chanchöta, mööhi, marayika o Mutëmi akamorwera Yusubhu mo‑riröötö, akamobhoorera akabhugha, “Bhooka! Wimoki omoona na nyina waache, mungʼösërë mo‑se e Miisiri. Mwikare iyo iyo mbagha eriibhagha rino nekuucha kobhabhoorera, gho kubha Herote nakuucha komutabhara omoona uyo kubha amwite.”

Mataayo 2:19

Hano Herote akuure, mööhi, marayika o Mutëmi Waryobha akamorwera Yusubhu mo‑riröötö iyo Miisiri,

Mataayo 2:22

Amare hano oghwire kubha Arikeraawo mwërëëti o Herote niwe aghukangata Yuteya, aghatiina ghuye iyo. Nawe akabha ashaangʼiru mo‑riröötö, aghatanura akamwimoki omukari waache no omoona, bhaaghaye mo‑mukööwa o Ghariraaya.

Mataayo 27:19

Bhiraato hano are ikeere mo‑ghetumbe keeche ghe ghotenera ekiina, mukaache akamotomera amangʼana akabhugha, “Otaacha komukörëra ibhe ryoryose omooto uyo taanyi ne eriisari ryoryose, gho kubha ninyaakiri chwee obhotiko mwiröötö gho ghiri yaache.”

Mataayo 28:5

Hayo marayika uyo akabhabhoorera abhakari bhayo akabhugha, “Motatiina! Nyeeche kubha mwichiri komutabhara Yesu uno bhamumambiri mo‑musarabha.

Ruuka 1:19

Marayika uyo akabhugha, “Eni, Ghabhuriyeeri, neeni nekwimeerera ambërë e Ryobha. Ndentomiri niiche ghokumënyi angʼana ino anchömu.

Ruuka 2:4

Yusubhu woose akaru mo‑moghya o Nasareeti mo‑mukööwa o Ghariraaya, aghatiira ghuye mo‑mukööwa o Yuteya mo‑moghya o Bheserehemu, gho kubha Bheserehemu niwe ore omoghya o Tawuti, na Yusubhu naare o mo‑rwibhoro rooche.

Amaköri gha Bhatomu 5:19

Mbe, obhotiko bhuyo marayika umu o Mutëmi aghiighora charwighe che riighërëcha riyo, akabhahoroki anche, akabhabhoorera akabhugha,

Obhohunyurëru 19:7

Na niitu, tuchömëru, tuchaghane na komoghongi. Gho kubha anyangi e riirugha re Moona o Ngʼöndu ˆrekahika, no omokwiru namariri ghwisëëmi.