Maariko 7:4 - Eriiraghano Eriihë

⁴ Wiiki, hano ꞉bhaare bhararu mo‑mitëëra bhataare bhararë egheghiro ghyokyose, mbagha bhishaabhe amabhökö singa. Wiiki mbaare na asughara ayende ino bhasongʼaaniri korwera kare kinya kweghi ebhisënchö, ne ebhehurero ne ebheghiro bhe shabha.

Maariko 7:4 ပူးပေါင်းရင်းမြစ်များ

Mataayo 23:25

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha moghwiköri kubha m‑bhatööbhiyu moonyi ambërë e bhaato. Mokweghi bhoheene eghisënchö ne ekehoncho gho nche, amare motighiri kweghi bhino bheenyi‑mu, ebheghiro bhino mobhwine mo‑bhwibhi no obhohobhaaru.

Mataayo 23:26

Inyu Amabharisaayo, inyu moonyi kinya abhahuku! Mushame singa mwigharure mo‑masari ghano ghaanyi moose yaanyu kinya kweghi obhoghonchu bhuno bhoonyi mo‑ghisënchö. Hangʼu hangʼu, emeremo gheenyu ngeekubha michömu kinya eghisënchö gheekubha kyero erabha mokyeghiri gho nche.

Mataayo 27:24

Hano Bhiraato amënyiri kubha taaghotora ghugharura amiihëëbhö gha bhaato bhayo na kubha bhaghasëëma anyööri, akiimoki amanche na ghwishaabha amabhökö ghaache ambërë yaabho kwërëki kubha taanyi ne eriisari ryoryose. Niho akabhabhoorera akabhugha, “Nteenyi ne eriisari ryoryose kwo mooto uno anyi o bhuhëënë. Ghano mokwënda ghuköra, n‑ighoro yaanyu inyu bheene!”

Maariko 7:8

Yesu akëëndërëra kobhabhoorera akabhugha, “Inyu moghotigha amaraghereri gha Ryobha, moghutambana chaasughara che bhaato.

Yohana 2:6

Mbe, ncheere‑ho chanyongo ishaasabhe chino chiköruru na mabhohe. Gho sughara e Bhayahuuti mbaare bharatoora amanche mo‑chanyongo chiyo gho ghiri e kwiyeri. Anyongo imu neere eriichora kwo matebhe ataano hamu asaasabhe.

Yohana 3:25

Orosiko rumu, abhaanabheegha nyarebhe bha Yohana bhaghasëëma ghoshangʼaana no Omuyahuuti umu ighoro e sughara e kwiyeri.

Abheebhuraaniya 9:10

Amangʼana ghayo, ngaare ighoro e bhiinyakurë, ne ebhinywebhu na kwimusa emebhere. Ghoose ghayo ngaghosira eriibhagha rino Eryobha reghugharura ebheghiro kubha bhihë.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.