Maariko 7:34 - Eriiraghano Eriihë

³⁴ Aghagharaamereri Mwishaaro, aghiiki omwika, akamobhoorera akabhugha, “Ebhata,” egheteemoro keeche, “Ighoka.”

Maariko 7:34 ပူးပေါင်းရင်းမြစ်များ

Maariko 1:41

Niho Yesu akamoghwera bheghongi, aghaghöröröki okubhökö kooche na komoturi omubhabharu uyo, akabhugha, “Nekwënda, omusu!”

Maariko 15:34

Niho kinya mo‑chaasa kende, Yesu akarera kwo riiraka ikoro arabhugha, “Erooyi! Erooyi! Raama sabhaghitaani?” Egheteemoro ke mangʼana ghayo nikyo kino, “Oo Eryobha reene! Oo Eryobha reene! Ngwake oghantigha?”

Maariko 5:41

Akamughööta omuukë uyo okubhökö, akamobhoorera akabhugha, “Tarita, kumi!” egheteemoro keeche, “Omuukë, ˆneghakobhoorera, bhooka!”

Maariko 6:41

Yesu akiimoki emighaate etaano na chaasu ibhere, aghagharaamereri Mwishaaro, aghiitabheri Eryobha. Aghaghesuura emighaate ghiire, akabhaha abhaanabheegha bhaache kubha bhabhahööhi abhaato. Akabhaha na chaasu chiire ibhere bhabhahööhi.

Maariko 7:35

Hayo hayo, omooto uyo aghatachuka amatu no ororeme, aghasëëma kooghu na ghosiikëra bhoheene.

Maariko 8:12

Yesu akabha na amacheeche mo‑körö. Akabhabhoorera akabhugha, “Ngwake inyu abhaato bha rwibhoro runo mokwënda korighi ekyërëkërëri? Mahëënë ˆnekabhabhoorera, eni ntëëköbhëërëki ekyërëkërëri ghyokyose abhaato bha rwibhoro runo.”

Ruuka 18:42

Yesu akamobhoorera akabhugha, “Nuubhönë korighi! Obhokumi bhoocho ˆbhoghakuhöri.”

Ruuka 19:41

Hano Yesu atingʼiri omoghya o Yerusareemu, akaworighi aghasëëma koworerera.

Ruuka 7:14

Aghiishukerera machëëra ino ꞉bhaare bhaghëghiire erihundughu riyo, akayeturi. Abhaato bhano ꞉bhaare bharighëghiri, bhakiimeerera. Yesu akabhugha, “Oo omobhureni, neghakobhoorera, bhooka!”

Yohana 11:33

Hano Yesu amorooche Mariyamu ararera haghirohamu na abhaato bhano ichiri nabho, akabha no obhororo chwee mo‑körö yaache.

Yohana 11:35

Yesu akarera.

Yohana 11:38

Yesu eriibhagha akeere anyi no obhororo mo‑körö yaache, akahika mo‑mbeehera. Ambeehera iyo, neere akööbhö ino bhakundekiiri ne eriibhohe ikoro ighoro yaache.

Yohana 11:41

Mbe, bhakareruusi eriibhohe riyo. Yesu aghagharaamereri Mwishaaro, aghasabha Eryobha akabhugha, “Oo Taata, neghoghwitabheri gho kubha nooghwire amasabhi ghaane.

Yohana 11:43

Hano Yesu abhughiri ghayo, aghatiiri eriiraka ikoro akabhugha, “Rasaaro, horoka uche!”

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Amaköri gha Bhatomu 9:34

Bheetero akamobhoorera Ayineya akabhugha, “Yesu Kirisito ˆaghakuhöri. Bhooka! Waare obhorere bhoocho.” Hayo hayo Ayineya akiimeerera.

Amaköri gha Bhatomu 9:40

Mbe, Bheetero akabhahoroki bhoose anche, akahighama, akarisabha Eryobha. Akamara akawiigharurera omobhere uyo, akabhugha, “Tabhiita, bhooka!” Tabhiita akaramoki, akamorighi Bheetero, akabhooka, aghiikara.

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.