Maariko 7:3 - Eriiraghano Eriihë

³ Mo‑chaasiko chiyo, Amabharisaayo na Abhayahuuti bhoose bhataare bhararë egheghiro bhatishaabhiri amabhökö mbagha mo‑changokoro kinya ekwëndëru, kurëngʼaana na chatëëmö che bhiishakoro.

Maariko 7:3 ပူးပေါင်းရင်းမြစ်များ

Maariko 7:13

Mbe, gho ghuköra hangʼu ˆmoghatigha ghosooka angʼana e Ryobha, gho ghutambana chaasughara che bhiisokoro. Wiiki moghuköra amangʼana maaru ghano ghatuubhiine na ghayo.”

Maariko 7:5

Mbe, Amabharisaayo na abheeghi bha meghiro bhakamobhoori Yesu bhakabhugha, “Ngwake abhaanabheegha bhaacho bhataaghutambana chaasughara che bhasookoro bhiito, amare mbakuraaghëra na amabhökö maghonchu?”

Ruuka 11:38

Omubharisaayo uyo, akaroghoora korighi kubha Yesu akaraaghëra ataamara ishaabha amabhökö.

Yohana 2:6

Mbe, ncheere‑ho chanyongo ishaasabhe chino chiköruru na mabhohe. Gho sughara e Bhayahuuti mbaare bharatoora amanche mo‑chanyongo chiyo gho ghiri e kwiyeri. Anyongo imu neere eriichora kwo matebhe ataano hamu asaasabhe.

Abhagharatiya 1:14

꞉Neebhakeriri abhande bhaaru bhano toore asiigha imu, gho kuröönëra atiini yiito e Kiyahuuti. Neghiköngʼi chwee ghughööta ameeghi gha bhataata bhiito.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

1 Bheetero 1:18

Inyu, moore mumanyiri kurëngʼaana na amaköri ghaanyu amabhe, kinya bhuno ꞉muughabhiri koru kwo bhasookoro bhaanyu. Ibheere mumënyë kubha, Eryobha retabhatooriri inyu koru mo‑ghano moore moraköra, gho kuhökëri ebheghiro bhino bhehaasarëka, kinya chambiiri na chasahaabhu.