Maariko 7:2 - Eriiraghano Eriihë

² Bhakarighi abhaanabheegha bha Yesu abhamu mbakuraaghëra kwo mabhökö amaghonchu, niko kobhugha, bhatishaabhiri kebhuno ekwëndëru.

Maariko 7:2 ပူးပေါင်းရင်းမြစ်များ

Mataayo 15:2

“Neke gheghughëri abhaanabheegha bhaacho bhataaghutambana chaasughara che bhasookoro bhiito chino bhatotighiire? Gho kubha mbaakurë ebhiinyakurë ino bhatishaabhiri amabhökö ghaabho!”

Maariko 7:5

Mbe, Amabharisaayo na abheeghi bha meghiro bhakamobhoori Yesu bhakabhugha, “Ngwake abhaanabheegha bhaacho bhataaghutambana chaasughara che bhasookoro bhiito, amare mbakuraaghëra na amabhökö maghonchu?”

Ruuka 11:38

Omubharisaayo uyo, akaroghoora korighi kubha Yesu akaraaghëra ataamara ishaabha amabhökö.

Amaköri gha Bhatomu 10:28

Bheetero akabhabhoorera, “Inyu mweche bhoheene kubha itu Abhayahuuti totiishereriiru ne emeghiro ghiito ghughöötana na abhaato bha matöngö aghande, koru kobhataarera. Amare Eryobha ndënyëërëkiri kubha netamobherekera omooto wowoose kubha m‑moghonchu, hamu kubha taakurëngʼaanera.

Amaköri gha Bhatomu 11:8

Nekabhugha, ‘Tiyaanyi, Omutëmi! Ntiimara neri naabha ekiinyakurë ghyokyose kino emeghiro ghe Musa ghebhughiri kubha, ghetaakurëngʼaanera na gheghonchu!’

Abharuumi 14:14

Kurëngʼaana na ameeghi gha Mutëmi Yesu, nyeeche kwo bhuhëënë kubha, ghetaanyi‑ho ekiinyakurë ghyokyose egheghonchu. Amare aribha omooto akorighi ekiinyakurë nyarebhe n‑gheghonchu, hayo niho ekiinyakurë kiyo gheekubha gheghonchu ghokooche.

Abheebhuraaniya 10:29

Ibheere mwihëëbhë! Kana, n‑anchagho e ngʼana hayi ino akubhöna omooto uno akomutaraaha Omoona o Ryobha na korighi kubha amasaahë gha riiraghano rino ꞉reemomusiri amasari ghaache kubha taanyi egheghiro ghe ghotereera, na kwo mooto uno aghotoka Akörö Ahörëëru ino enyi e ghareeya?

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.