Maariko 6:52 - Eriiraghano Eriihë

⁵² gho kubha bhataamënyiri koru ekeroghooro ke mighaate. Emetema gheebho ngeere miköngʼu.

Maariko 6:52 ပူးပေါင်းရင်းမြစ်များ

Ruuka 24:25

Yesu akabhabhoorera akabhugha, “Aa! Inyu m‑bhaghëëghë moonyi! Neke moonyi bhaköngʼu mo‑chaakörö cheenyu ghokumi koru ghano ꞉ghaasiikiiru na abharööti?

Maariko 16:14

Antenero, Yesu ˆakabharwera abhaanabheegha bhaache ikomi na umwa, hano bhaare haghirohamu, bhararaaghëra. Akabhahiinya gho ghiri e bhuköngʼu bho metema gheebho, gho kubha ꞉mbaangiri ghoghakumi amangʼana gha bhaghëndi bhaabho bhano bhamorooche Yesu hano ꞉aryokiibhu mo‑bhaku.

Abharuumi 11:7

Gho ghayo, amangʼana hangʼu ghaanyi, Abhiisiraeri ꞉mbaatabhiire anchëra e kubha abhahëënë ambërë e Ryobha, amare bhatayebhwine. M‑bhaare abheene bhano bhaahwiru ne Eryobha, nibho bhayebhwine. Abhande bhoose bhano ꞉bhaasaaghiri, Eryobha rekabhaköra bhabhe ne emetema miköngʼu.

Maariko 7:18

Akabhabhoorera akabhugha, “Koru inyu motaanyi no obhongo bho kumënya eghetuubhaani kiire? Moteeche kubha egheghiro ghyokyose kino ghekomusöha omooto ghetaaghotora komuköra aghonche?

Maariko 3:5

Yesu akabhoomeri amiisho bhoose gho ghukarara, akabha na amacheeche mo‑körö yaache ighoro e bhuköngʼu bho metema gheebho. Niho Yesu akamobhoorera omooto uyo akabhugha, “Ghöröröki okubhökö koocho.” Omooto uyo aghaghughöröröki, hayo hayo ghokahöra!

Yohana 12:40

“Eryobha ndehukwiri amiisho ghaabho na ghoghiköra emetema gheebho ghibhe miköngʼu, kubha bhatarighi kwo miisho ghaabho, na bhatamënya mo‑miihëëbhö ghaabho, kubha bhatagharuka ghokoone, kubha nebhahöri.”