Maariko 6:2 - Eriiraghano Eriihë

² Hano orosiko ro Riikane rohikiri, aghasëëma kweghi mo‑risinaghooghi. Abhaato bhaaru bhano ꞉bhaamooghwire bhakahagha chwee. Mbaare bharabhoorani bharabhugha, “Aa! Omooto uno hayi abhwine ghano ghoose? Wiiki, n‑amangʼiini ke ghano ahaabhuru uno? Hayi abhwine changuru che ghuköra ebheroghooro bhekoro kinya bhiyo?

Maariko 6:2 ပူးပေါင်းရင်းမြစ်များ

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Mataayo 7:28

Hano Yesu amariri ghosiikëra amangʼana ghayo, obhoyo bhuure bho bhaato bhokaroghoora chwee kwo meeghi ghaache.

Maariko 1:39

Niho aghaye mo‑mukööwa woose o Ghariraaya na kuraghani mo‑masinaghooghi ghaabho, na kobharuusi abhaato emisambu.

Maariko 10:1

Niho Yesu na abhaanabheegha bhaache bhaghatanura iyo Kabherenawumu, bhaaghaye mo‑mukööwa o Yuteya. Bhakaheta na ghutëënya amwambuko e rooche ro Yorotaani. Amakinda maaru gha bhaato ghaakabha gharamwikomanera wiiki, na naare arabheeghi kinya bhuno are anariri.

Ruuka 2:47

Abhaato bhoose hano bhooghwire kebhuno are arabhugha, bhakahagha chwee ighoro e miihëëbhö ghaache na amagharokeri ghaache.

Ruuka 4:15

Nawe naare areeghi abhaato mo‑masinaghooghi na abhaato bhoose, bhaakabha bharamutöghösi.

Yohana 6:42

Bhakabhoorani bhakabhugha, “Kana, omooto uno taanyi Yesu, mwërëëti o Yusubhu, uno ntobheeche abhiibhori bhaache bhoose? Mbe, nibhu aghotora kobhugha kubha ꞉niikiri koru Mwishaaro?”

Yohana 7:15

Mbe, abhakangati bha Bhayahuuti bhakahagha na ghusëëma kobhoorani bharabhugha, “Kana, omooto uno nibhu aghotora kumënya ghoose ghano nawe tasömiri?”