Maariko 4:16 - Eriiraghano Eriihë

¹⁶ Abhande, mbatuubhiine ne eriiröbhë re mwitare. Hano bhakooghu angʼana e Ryobha, bhayesongʼaana bhwango gho ghuchömëru.

Maariko 4:16 ပူးပေါင်းရင်းမြစ်များ

Mataayo 13:5

Chambusuro echende cheghaghwera mwitare, hano hataanyi ne eriiröbhë ryaru. Chambusuro chiyo chekamëra bhwango gho kubha riiröbhë ndeere isuuhu ighoro.

Maariko 4:15

Abhaato abhande mbatuubhiine ne eriiröbhë re mo‑nchëra. Hano bhakooghu hangʼu angʼana e Eryobha, Erishambu ndehaacha, na koyeruusi angʼana yiire mo‑metema gheebho.

Maariko 4:17

Amare gho kubha mbatuubhiine ne emimërö ghino ghetaanyi ne emerya, mbahiikara na angʼana iyo kwo riibhagha isuuhu. Aribha anyaako hamu anyööri erabhabhöna ighoro e ngʼana iyo, hayo hayo bhayetigha.

Maariko 6:20

Herote ꞉naamotiiniri chwee Yohana gho kubha ꞉naamënyiri kubha iwe n‑omooto muhöriicho no omutööbhiyu, gho ghayo akamochonga. Herote nasiighiri komutëghëërëra chwee Yohana, nangabha hano amariri komutëghëërëra ꞉niitumatiri chwee.

Ruuka 8:13

“Chambusuru chino ꞉cheeghweriire mwitare, nchekwërëki abhaato bhano bhaghuchömëru kooghu angʼana e Ryobha, bhayekumi kwo riibhagha isuuhu. Hano bhaghusakibhu, bhayetigha, gho kubha mbatuubhiine no omote uno otaamara ohira emerya kurë.

Yohana 5:35

Yohana Omubhatisaachi naare kinya oromore runo rohaaka na komoreka mo‑kengʼuuri, na niinyu muchömiiru no obhwero bhuyo kwo riibhagha isuuhu.

Amaköri gha Bhatomu 26:28

Niho Aghiribha akamobhoorera, “Kana, nokwihëëbha kubha kwo mangʼana masuuhu kinya ghano, noghungarura nibhe Omokirisito!”

Amaköri gha Bhatomu 8:13

Simiyooni woose akamokumi Yesu, akabhatiisu, aghaghöötana na Bhiiribho. Hano arooche ebheroghooro ebhekoro bhino Bhiiribho are araköra, bhekamoroghoori chwee.