Maariko 4:11 - Eriiraghano Eriihë

¹¹ Akabhagharokeri akabhugha, “Eryobha ndebhahunyuriire inyu kumënya ekebhisere ke bhutëmi bhooche. Amare abhaato bhano bhataaghuntambana, nekobhabhoorera ghoose kwo bhetuubhaani,

Maariko 4:11 ပူးပေါင်းရင်းမြစ်များ

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 13:16

“Amare Eryobha ndebhitabhiiri inyu, gho kubha amiisho ghaanyu ngakorighi na amatu ghaanyu ngakooghu.

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Maariko 3:23

Niho Yesu akabhabherekera, aghasëëma kobhabhoorera kwo bhetuubhaani arabhugha, “Nibhu reghotora Erishambu kwiruusi eryene?

Maariko 4:10

Hano erikinda re bhaato ritanwire, Yesu aghasaagha na abhaanabheegha bhaache ikomi na bhabhere na abhaghëndi abhande. Niho bhakamobhoori ighoro e gheteemoro ke bhetuubhaani bheeche.

Maariko 4:2

Naare arabheeghi ameeghi maaru kwo bhetuubhaani. Mo‑meeghi ghaache naare arabhugha,

Ruuka 8:10

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bhooche. Amare kwo bhande neghosiikëra kwo bhetuubhaani gho ghiri, ‘Bhamööhërëri, amare bhatarighi, bhatëghëërërë, amare bhatamënya.’

1 Abhakorinto 4:7

Ibheere, n‑niwe, uno aghuköriri kubha mokoro ghokera owonde? Taanyi Eryobha niryo rekoheere ebheghiro bhyose bhino onyi nabhyo? Aribha nuhaabhuru, ngwake okwihacha kinya bhuno tuhaabhuru?

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Abhakorosaayi 4:5

Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.

1 Abhatesaronike 4:12

Niho mookubha mwërëkiri orughëndö ruchömu ighoro e bhano bhataanyi Abhakirisito. Wiiki motabha abhaato bhano bhaghwitëngʼëra bhe bhande kwo mënda ghaanyu.

1 Timotewo 3:7

Wiiki, nakwëndëru abhe omooto uno aghughambu bhoheene koru mo‑bhaato bhano bhataanyi Abhakirisito, ataacha ghutëmu amasörö na ghwighööti mo‑muhëtö o Rishambu.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.