Maariko 4:10 - Eriiraghano Eriihë

¹⁰ Hano erikinda re bhaato ritanwire, Yesu aghasaagha na abhaanabheegha bhaache ikomi na bhabhere na abhaghëndi abhande. Niho bhakamobhoori ighoro e gheteemoro ke bhetuubhaani bheeche.

Maariko 4:10 ပူးပေါင်းရင်းမြစ်များ

Mataayo 13:3

Mbe, Yesu akabhabhoorera amangʼana maaru kwo bhetuubhaani arabhugha, “Mutëghëërërë! Naare‑ho omobhusuri umu uno ꞉aghiire kobhusura chambusuro cheeche.

Mataayo 13:36

Akamara Yesu akariragha erikinda riire re bhaato, aghasöha mo‑nyumba. Abhaanabheegha bhaache bhakamusëëta, bhakamobhoorera bhakabhugha, “Toteemorere eghetuubhaani kiire ghe ghetoki kino keere a‑moghondo.”

Maariko 4:11

Akabhagharokeri akabhugha, “Eryobha ndebhahunyuriire inyu kumënya ekebhisere ke bhutëmi bhooche. Amare abhaato bhano bhataaghuntambana, nekobhabhoorera ghoose kwo bhetuubhaani,

Maariko 4:34

Taare arasiikëra ghyokyose ghokoobho mbagha asiikërë gho ghetuubhaani. Amare, hano are omwene na abhaanabheegha bhaache, ꞉naabherekeriiri ghoose.

Maariko 4:9

Akamara Yesu akabhabhoorera kubha, “Omooto wowoose uno anyi na amatu gha kooghu, no oghu!”

Maariko 7:17

Hano aretighiri erikinda re bhaato, na ghusöha mo‑nyumba, abhaanabheegha bhaache bhakamobhoori ighoro e ghetuubhaani kiyo.