Maariko 3:11 - Eriiraghano Eriihë

¹¹ Abhaato bhano ꞉bhaare ne emisambu hano bhamorooche, bhaakabha bharagho ambërë yaache na korera kwo riiraka ikoro chwee bharabhugha, “Iye n‑Omoona o Ryobha onyi!”

Maariko 3:11 ပူးပေါင်းရင်းမြစ်များ

Mataayo 14:33

Mbe, abhaanabheegha bhano ꞉bhaasaaghiri mo‑bhwato, bhakamusëngëra Yesu bhakabhugha, “Mahëënë, iye n‑Omoona o Ryobha onyi!”

Mataayo 4:3

Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Mataayo 4:6

rekamobhoorera rekabhugha, “Aribha iye n‑Omoona o Ryobha onyi, nwirëkërë haase, gho kubha yandëkuru mo‑Mandëkö Amatööbhiyu kubha, ‘Eryobha ndeghoghotomera bhamarayika bhaache bhaghochonge, na mbaghoghughëgha mo‑mabhökö ghaabho, amaghoro ghaacho ghataacha ghwituuratuura mwitare.’”

Mataayo 8:29

Mbe, ghaghaköra eriireghe gharabhugha, “Oo Omoona o Ryobha, neke okwënda ghokwito? Kana, wichiri hano ghotunyaaki eriibhagha riito rekeere?”

Mataayo 8:31

Niho emisambu ghiire ghekamusasaama Yesu gherabhugha, “Aribha oghotuhëëbha, ototome tusöhë mo‑rikinda riire re chambeechi.”

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.

Ruuka 4:41

Wiiki, Yesu akahëëbha emisambu mo‑bhaato bhaaru, gheghakuura gherabhugha, “Iye n‑Omoona o Ryobha onyi!” Ibheere Yesu aghaghehiinya na ghoghirëki ghetasiikëra wiiki gho kubha emisambu ghiyo ꞉ngiimënyiri kubha niwe Kirisito.

Ruuka 8:28

Hano amorooche Yesu, aghaköra eriireghe, akiirëkëra haase ambërë yaache, aghasiikëra kwo riiraka ikoro akabhugha, “Neke okwënda ghokoone, iye Yesu Omoona o Ryobha Omokoro o Bhyose? Neghusabha otaanyaaki.”

Amaköri gha Bhatomu 16:17

Ibheere omuukë uyo, akabha aramutambana Bhawuro na niitu, ino araköra eriireghe arabhugha, “Abhaato bhano n‑abhatamishi bha Ryobha Omokoro o Bhyose. Mbakobharaghaneri inyu anchëra e ghotooribhu.”

1 Abhakorinto 11:34

Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

Yakobho 2:19

Kana iye nookumiri kubha ndeenyi‑ho Eryobha rimu? Hangʼu keenyi! Nuköriri bhoheene! Koru emisambu ghyose, ngeghokumi na ghosingisa kwo bhotiini!