Maariko 2:2 - Eriiraghano Eriihë

² Abhaato bhaaru bhaghiikomana mo‑nyumba iyo, koru omweya o kohetera mo‑ghisëku okabhora. Yesu naare araraghaneri abhaato angʼana e Ryobha.

Maariko 2:2 ပူးပေါင်းရင်းမြစ်များ

Mataayo 5:2

Niho aghasëëma kobheeghi arabhugha,

Maariko 1:14

Hano chehetiri chaasiko chaaru, Yohana akabhöhu mwighërëcha. Eriibhagha are mwighërëcha, Yesu aghaye mo‑mukööwa o Ghariraaya, ino araraghani Angʼana Anchömu e Ryobha.

Maariko 1:33

Niho abhaato bhaaru koru mo‑moghya uyo bhaghatëmëërana mo‑riigho re nyumba e Simiyooni na Andereya.

Maariko 1:37

Hano bhamobhwine, bhakamobhoorera bhakabhugha, “Abhaato bhaaru mbiichiri, n‑iye bhaghutabhara!”

Maariko 1:45

Amare, omooto uyo aghatanura hayo, aghasëëma kuraghani haghiro hoose amangʼana gha kuhöru kooche. Gho ghayo, Yesu taatoriri wiiki ghusöha haheero mo‑meghya ghyoghyose ghiire. Akabha ariikara anche e moghya hano abhaato bhataanyi, koru hangʼu abhaato mbaare bharamutambana koru chambaara choose.

Maariko 2:1

Mbe, Yesu aghagharuka wiiki mo‑moghya o Kabherenawumu. Hano chaasiko insuuhu chehetiri, abhaato bhakooghu kubha nagharokiri aka.

Maariko 2:13

Yesu akahoroka, aghaye wiiki rubhareka ro nyancha e Ghariraaya. Abhaato bhaaru bhakamutambana, akabheeghi.

Maariko 6:34

Hano Yesu ahikiri ase ayoomu, akarighi erikinda ikoro re bhaato. Akabhaghwera ebheghongi, gho kubha mbaare kinya changʼöndu chino chetaanyi no omoriishi. Aghasëëma kobheeghi amangʼana maaru.

Ruuka 12:1

Eriibhagha riyo, ebheku bhe bhaato mbaare bhiikomiine, kerende bhaakabha bharatachana. Yesu aghasëëma kobhabhoorera abhaanabheegha bhaache singa arabhugha, “Mubhe amiisho no obhotondoru bho Mabharisaayo, gho kubha obhotondoru bhuyo m‑bhonga aghughuuti.

Ruuka 5:17

Orosiko rumu, Yesu naare areeghi abhaato. Ghate yaabho, mbaare‑mu Amabharisaayo na abheeghi bha meghiro. Abhaato bhayo ꞉mbaaruure mo‑bhyaro bhe Ghariraaya, na Yuteya, na mo‑moghya o Yerusareemu. Yesu naare no obhotoro bho Ryobha bho kuhöri.

Ruuka 8:1

Achekumara ghayo, Yesu akabha arahetera mo‑meghya na mo‑bhyaro. Naare araraghaneri abhaato bha se iyo yoose, Angʼana Anchömu e bhutëmi bho Ryobha. Naare haghirohamu na abhaanabheegha bhaache ikomi na bhabhere.

Ruuka 8:11

“Egheteemoro ghe ghetuubhaani kiyo n‑kubha, chambusuru, n‑angʼana e Ryobha.

Amaköri gha Bhatomu 11:19

Abhakumi bhano bhasanchiri gho kunyaakibhu kurëngʼaana na ghwitu gho Siteebhano, bhakangʼösëra mo‑chaase che Bhoyinike, na Kiibhuro, na mo‑moghya o Antiyokiya. Hoose hano bhaghiire, bhaakabha bhareeghi angʼana e Ryobha kwo Bhayahuuti abheene.

Amaköri gha Bhatomu 14:25

bhakahika mo‑moghya o Bhereghi. Iyo bhakaraghani angʼana e Ryobha, bhakamara, bhakahiringitera mo‑moghya o Ataariya.

Amaköri gha Bhatomu 16:6

Bhawuro na abhaghëndi bhaache bhayo, Akörö Ahörëëru neere ebharëkiri kubha bhataacha kuraghani angʼana e Ryobha mo‑mukööwa o Asiya. Gho ghayo, bhakaheta mo‑mikööwa ghe Bhirighiya na Gharatiya.

Amaköri gha Bhatomu 8:25

Hano Bheetero na Yohana ꞉bhaamariri kobhoorera abhaato ghano bharooche ighoro e Mutëmi Yesu, na kweghi angʼana e Ryobha mo‑bhaato bha moghya uyo, bhaghasëëma orughëndö roobho ro ghugharuka Yerusareemu. Hano bhaare mo‑rughëndö, bhaakabha bharasanchi Angʼana Anchömu mo‑bhyaro bhyaru bhe Samaariya.

Abharuumi 10:8

Amare Amandëkö Amatööbhiyu ngakobhugha, “Angʼana e Ryobha neenyi haghuhe na niiye, neenyi mo‑monu waacho na mo‑motema waacho.” Ibheere, angʼana iyo niyo ino tokuraghani ighoro e komokumi Yesu Kirisito.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.