Maariko 2:12 - Eriiraghano Eriihë

¹² Hayo hayo, omooto uyo akiimeerera akiimoki machëëra yaache, akahoroka anche, ino bhoose bhano ꞉bhaare hayo bharamumööhërëri. Abhaato bhayo bhoose bhakahagha na koreghongi Eryobha, bhakabhugha, “Totaamara korighi naabha angʼana kinya ino iköruru reero!”

Maariko 2:12 ပူးပေါင်းရင်းမြစ်များ

Mataayo 12:23

Erikinda re bhaato bhano ꞉bhaare hayo bhakaroghoora na kobhoorani abheene kwo bheene bharabhugha, “Kana, uno taanyi Omoona o Tawuti?”

Mataayo 15:31

Abhaato bhayo bhakaroghoora chwee hano bharooche amamuumu ˆghaghasiikëra, abharëma ˆbhakahöra na abhabhëëru ˆbhaghaghënda na abhahuku ˆbhakarighi. Bhaghasëëma koreghongi Eryobha rino Abhiisiraeri bhaghusëngëra.

Mataayo 9:33

Yesu akawuhëëbha omusambu uyo, hayo hayo, omooto uyo aghasëëma ghosiikëra. Abhaato bhano ꞉bhaare hayo bhakaroghoora chwee, bhakabhugha, “Mo‑se yoose e Isiraeri, ghataamara gharwera naabha amangʼana kinya ghano!”

Mataayo 9:8

Hano abhaato bhano ꞉bhaare hayo bhagharooche ghayo, bhakahagha na ghotiina chwee. Bhakareghongi Eryobha rino reheere abhaato obhotoro bhonga bhuyo.

Maariko 1:27

Abhaato bhoose bhakahagha chwee, bhakabhoorani bharabhugha, “N‑ngʼana ke ino? Ameeghi amahë ghano, ngaanyi no obhotoro! Wiiki, mööhi, naanyi na changuru che kuhatëka koru emisambu, ghyose ghemosooka.”

Maariko 2:11

“ˆNeghakobhoorera, imeerera, ghëgha machëëra yaacho, oghi awaacho!”

Ruuka 13:13

Yesu aghatoora amabhökö ighoro yaache, hayo hayo aghaghöröröka, aghasëëma koreghongi Eryobha.

Ruuka 17:15

Umu o bhayo, hano arooche kubha akahöra, hayo hayo aghagharuka o‑Yesu, arareghongi Eryobha kwo riiraka ikoro.

Ruuka 5:26

Abhaato bhoose bhano ꞉bhaare hayo, bhakahagha chwee na ghughöötu no obhotiini. Wiiki, mbaare bharareghongi Eryobha, bharabhugha “Reero ntorooche amangʼana gha koroghoori!”

Ruuka 7:16

Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Yohana 7:31

Mbe, abhaato bhaaru bhano ꞉bhaare hayo bhakamokumi Yesu. Mbaare bharabhugha kubha, “Aribha Kirisito nakuucha, kana, naghuköra ebhiraghe bhyaru ghokera bhino omooto uno aköriri?”

Yohana 9:32

Korwera kare, totaamara kooghu koru hasuuhu kubha, omooto uno ibhwiru anyi omohuku nahöriri.

Amaköri gha Bhatomu 4:21

Hano bhamariri kobhatiini Bheetero na Yohana bhakabhatighooroka. Abhakoro bhayo bhatarooche anchëra e kobharööna, gho kubha abhaato bhoose mbaare bharareghongi Eryobha chwee ighoro e kiraghe kiyo.