Maariko 13:9 - Eriiraghano Eriihë

⁹ “Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Maariko 13:9 ပူးပေါင်းရင်းမြစ်များ

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Maariko 1:44

akamokumereri arabhugha, “Mööhi, otabhoorera omooto wowoose angʼana ino! Amare, nooghi wiyërëkani mo‑muchaama, na koruusi amaruusi kinya emeghiro ghe Musa ghe kwërëkërëri, abhaato kubha nuhöriri.”

Maariko 13:5

Niho Yesu aghasëëma kobhabhoorera arabhugha, “Mubhe miisho, omooto wowoose ataacha kobhangʼiina!

Maariko 13:8

Ase imu nekurööna na ase ayende, obhutëmi bhumu mbokurööna no obhutëmi obhonde. Aghëëcha ne emerighito ghe se ngekorwera mo‑chaase chaaru. Ghayo ngaakubha kinya ghusëëma kwo bhosongo hano omukari ahëënda kwibhora.

Maariko 6:11

Wiiki, hohoose hano bhataakobhasongʼaana hamu kobhatëghëërëra, hano moghutanura, mwikongʼoote orotu runo roonyi mo‑maghoro ghaanyu, ibhe obhwibhateri ghokoobho, kubha Eryobha ˆrekabhaanga.”

Ruuka 9:5

Wiiki aka yoyoose ino abhaato bhaache bhataakobhaghënëhi, mohoroke‑mu, mwikongʼoote orotu runo roonyi mo‑maghoro ghaanyu. Gho ghuköra hangʼu, ibhe obhwibhateri ghokoobho, kubha Eryobha ˆrekabhaanga.”

Yohana 15:20

Mohiite ghano ꞉neebhabhooriire kubha, ‘Omusësë taanyi omokoro ghokera omutëmi waache.’ Mbe, kinya bhanyaakiri eni, mbakobhanyaaki na niinyu wiiki. Amare aribha bhakumiri ameeghi ghaane, mbaghokumi na ghaghaanyu.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Amaköri gha Bhatomu 21:11

Aghabho uyo aghatusëëta, akiimoki omoshibhi o Bhawuro, akiibhöha mo‑maghoro na mo‑mabhökö, akabhugha kubha, “Akörö Ahörëëru nebhughiri kubha, ‘Omwene omoshibhi uno, hangʼu nibhu Abhayahuuti bha Yerusareemu bhakomubhöha gho changuru, na mbakomuhaana mo‑mabhökö gha bhaato bha matöngö.’”

Amaköri gha Bhatomu 7:54

Hano abhakoro bhayo bha Bhayahuuti bhooghwire amangʼana ghayo gha Siteebhano, bhaghakarara chwee, bhaghakararaati amiino ghaabho kwo bhororo.

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.

2 Abhatesaronike 1:5

Mbe, ghoose ghayo ngakwërëki kubha, Eryobha ndeghotena ekiina kwo bhuhëënë. Ibheere gho ghotena ekiina kuyo inyu mokubharu kubha mokurëngʼaanera mo‑bhutëmi bhooche, nikyo inyu mokunyaakibhu.

2 Yohana 1:8

Ibheere mwichonge inyu bheene, kubha motaacha kobhori emeremo ghino muköriri ambërë e Ryobha, amare mubhönë atuho e hëënë.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.