Maariko 13:8 - Eriiraghano Eriihë

⁸ Ase imu nekurööna na ase ayende, obhutëmi bhumu mbokurööna no obhutëmi obhonde. Aghëëcha ne emerighito ghe se ngekorwera mo‑chaase chaaru. Ghayo ngaakubha kinya ghusëëma kwo bhosongo hano omukari ahëënda kwibhora.

Maariko 13:8 ပူးပေါင်းရင်းမြစ်များ

Mataayo 24:8

Ghayo ghoose ngaakubha kinya ghusëëma kwo bhosongo hano omukari ahëënda kwibhora.

Maariko 13:7

Hano inyu mokooghu ighoro e amangʼana gha mahë na nyughunyughu e riihë, motatiina. Ghayo ngakwëndëru korwera, amare antenero neekubha ekeere.

Maariko 13:9

“Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Amaköri gha Bhatomu 11:28

Umu o bhayo, naare arabherekeru Aghabho, akiimeerera mo‑kiina, akaruusi obhurööti gho nchëra e Körö Ahörëëru kubha aghëëcha ihaari neghusöhërëra chaase choose. Aghëëcha iyo ꞉neerweriire hano Kayisaari Kirawutiyo are arakangata.

1 Abhatesaronike 5:3

Hano abhaato bhakobhugha kubha, “Ntoonyi no omurëmbë, wiiki m-bhoheene toonyi,” hayo niho obhobhe bhohaabhatakaneri. Obhobhe bhuyo mbokobhataakani, kinya obhosongo bhohaamure omukari uno anyi inda. Koru hangʼu, abhaato bhataaghotora ghoghiisacha ghayo.

Obhohunyurëru 6:4

Hakarwera abharaasi ayende imbararatu piri. Mbe, uno are ayetiiriri, akahaabhu ekinyamiino ghekoro no obhotoro bho kurëëta eriihë mo‑se, kubha abhaato bhiitane.