Maariko 13:5 - Eriiraghano Eriihë

⁵ Niho Yesu aghasëëma kobhabhoorera arabhugha, “Mubhe miisho, omooto wowoose ataacha kobhangʼiina!

Maariko 13:5 ပူးပေါင်းရင်းမြစ်များ

Maariko 13:4

“Ntoghusabha otobhoorere, ghano okobhugha nyingake ghakorwera? N‑ekyërëkërëri ke kino ghekuucha kwërëki kubha ghayo ghoose haghuhe ghaanyi korwera?”

Maariko 13:6

Abhaato bhaaru mbakuucha kwo riina reene, bharabhugha kubha, ‘Eni neeni Kirisito,’ na mbakobhangʼiina abhaato bhaaru.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

1 Abhakorinto 15:33

Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.