Maariko 10:1 - Eriiraghano Eriihë

¹ Niho Yesu na abhaanabheegha bhaache bhaghatanura iyo Kabherenawumu, bhaaghaye mo‑mukööwa o Yuteya. Bhakaheta na ghutëënya amwambuko e rooche ro Yorotaani. Amakinda maaru gha bhaato ghaakabha gharamwikomanera wiiki, na naare arabheeghi kinya bhuno are anariri.

Maariko 10:1 ပူးပေါင်းရင်းမြစ်များ

Mataayo 26:55

Niho Yesu akarebhoorera erikinda re bhaato bhayo akabhugha, “Kana, mwichiri ne emehyo na charungu ghungööta eni kinya erinyangara? Chaasiko choose neere nereeghi Mwisëngërö, amare motangöötiri!

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Maariko 1:21

Niho Yesu na abhaanabheegha bhaache bhane bhaaghaye mo‑moghya o Kabherenawumu. Hano orosiko ro Riikane rohikiri, bhaghasöha mo‑risinaghooghi, na Yesu aghasëëma kweghi.

Maariko 10:2

Orosiko rumu, Amabharisaayo bhakaacha komusaki. Bhakamobhoori bhakabhugha, “Kana, omosubhe naghwisherereru ghutaana no omukari waache?”

Maariko 12:35

Hano Yesu are arabheeghi abhaato Mwisëngërö re Ryobha, akabhabhoorera akabhugha, “Ngwake abheeghi bha meghiro bhakobhugha kubha Kirisito n‑Omoona o Tawuti?

Maariko 14:49

Chaasiko choose neere haghirohamu na niinyu, nereeghi Mwisëngërö, amare motangöötiri! Amare ghoose ghano ngarweriire kubha ghahikeerane ghano ghaandëkuru mo‑Mandëkö Amatööbhiyu.”

Maariko 2:13

Yesu akahoroka, aghaye wiiki rubhareka ro nyancha e Ghariraaya. Abhaato bhaaru bhakamutambana, akabheeghi.

Maariko 4:2

Naare arabheeghi ameeghi maaru kwo bhetuubhaani. Mo‑meeghi ghaache naare arabhugha,

Maariko 6:2

Hano orosiko ro Riikane rohikiri, aghasëëma kweghi mo‑risinaghooghi. Abhaato bhaaru bhano ꞉bhaamooghwire bhakahagha chwee. Mbaare bharabhoorani bharabhugha, “Aa! Omooto uno hayi abhwine ghano ghoose? Wiiki, n‑amangʼiini ke ghano ahaabhuru uno? Hayi abhwine changuru che ghuköra ebheroghooro bhekoro kinya bhiyo?

Maariko 6:34

Hano Yesu ahikiri ase ayoomu, akarighi erikinda ikoro re bhaato. Akabhaghwera ebheghongi, gho kubha mbaare kinya changʼöndu chino chetaanyi no omoriishi. Aghasëëma kobheeghi amangʼana maaru.

Maariko 6:6

Akaroghoora chwee gho kubha bhataare no obhokumi koru hasuuhu. Akamara Yesu akabha ariinaara mo‑bhyaro bhe haghuhe kobheeghi abhaato.

Yohana 10:40

Mbe, Yesu aghaye wiiki amwambuko e rooche ro Yorotaani, akahika hano Yohana are arabhatiisera abhaato hayo ekimbërë, aghiikara iyo chaasiko insuuhu.

Yohana 11:7

Hano chehetiri chaasiko ibhere, Yesu akabhabhoorera abhaanabheegha bhaache akabhugha, “Ntugharuke wiiki Yuteya.”

Yohana 18:20

Yesu akamugharokeri akabhugha, “Eriibhagha ryose neere nerasiikëra na abhaato haheero, neere nereeghi abhaato mo‑risinaghooghi na mo‑riigho re Risëngërö rino Abhayahuuti bhaaru bhahaatëmëërana‑mu. Ntyeghiri ameeghi ghaane gho kobhisa.