Maariko 1:8 - Eriiraghano Eriihë

⁸ Eni nekobhabhatiisa kwo manche, amare iwe nakobhabhatiisa gho Körö Ahörëëru.”

Maariko 1:8 ပူးပေါင်းရင်းမြစ်များ

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Maariko 1:7

Yohana naare araraghani arabhugha, “Omooto nakuucha anyuma yaane, uno anyi na changuru ghonkera eni. Eni nteekurëngʼaanera koru kwihiinya na ghusaasura chambasani che bhekwera bheeche.

Maariko 1:9

Eriibhagha riyo, Yesu akaacha koru mo‑moghya o Nasareeti, mo‑mukööwa o Ghariraaya, akabhatiisu na Yohana mo‑rooche ro Yorotaani.

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Yohana 1:26

Yohana akabhagharokeri akabhugha, “Eni nekubhatiisa kwo manche agheene. Amare ghateghate yaanyu, naanyi‑ho uno inyu motamweche.

Yohana 1:33

Eni ntemumënyiri kubha n‑niwe, amare Eryobha rino rentomiri kubhatiisa abhaato kwo manche ndembooriire, ‘Omooto uno Akörö yaane eghwika na ghwikara ighoro yaache, uyo niwe akubha arabhabhatiisa abhaato gho Akörö Ahörëëru.’”

Amaköri gha Bhatomu 1:5

Yohana ꞉naabhatiisiri abhaato kwo manche, amare gho chaasiko insuuhu chino chekuucha, inyu mokubhatiisu gho Körö Ahörëëru.”

Amaköri gha Bhatomu 10:45

Abhayahuuti abhakumi bhano bhiichiri haghirohamu na Bheetero, bhakahagha chwee korighi kubha Eryobha ˆrekabhaha ekihaano ghe Körö Ahörëëru, koru abhaato bha matöngö aghande.

Amaköri gha Bhatomu 2:17

‘Mo‑chaasiko che ntenero, neghwiki Akörö yaane ighoro e bhaato bhoose. Abhaana bhaanyu bha kebhureni na bha ghiike mbakurööta, na abhabhureni bhaanyu mbakorighi amarighi, na abhagharuka mbakurööta amaröötö.

Amaköri gha Bhatomu 2:4

Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.