Maariko 1:5 - Eriiraghano Eriihë

⁵ Abhaato bhaaru koru mo‑moghya o Yerusareemu na mo‑mukööwa woose o Yuteya mbaare bharamutambana Yohana. Abhaato bhayo bhaghatuukuunera amasari ghaabho, akabhabhatiisa mo‑rooche ro Yorotaani.

Maariko 1:5 ပူးပေါင်းရင်းမြစ်များ

Mataayo 4:25

Mbe, abhaato bhaaru chwee koru Ghariraaya, na Tekabhoori, na Yerusareemu, na Yuteya, na amwambuko e rooche ro Yorotaani bhakamutambana.

Maariko 1:4

Omutamishi uyo naare arabherekeru Yohana Omubhatisaachi. Naare mwibhara araraghaneri abhaato arabhugha, “Motuukuune amasari ghaanyu, mubhatiisu, kubha Eryobha rebhaabhërë!”

Maariko 1:6

Yohana ꞉naabheekiri amaghööti ghano ghaköruru kwo bhwishe bho ngamiya, na naare ariinata oruköbha mo‑keribhichi keeche. Ekiinyakurë keeche nkeere changighe no obhooke bho mwiteregho.

Yohana 1:28

Ghoose ghayo ꞉ngaaköruru mo‑kyaro ke Bhetaniya, eribhaara re roghoro re rooche ro Yorotaani, hano Yohana are arabhatiisa abhaato.

Yohana 3:23

Kwo riibhagha riire riire, Yohana nawe naare arabhatiisa abhaato Ayinooni, haghuhe no omoghya o Sareemu, gho kubha iyo ngaare‑ho amanche maaru. Abhaato bhaaru bhaaghaye ghokooche kubha abhabhatiise.

Yohana 5:35

Yohana Omubhatisaachi naare kinya oromore runo rohaaka na komoreka mo‑kengʼuuri, na niinyu muchömiiru no obhwero bhuyo kwo riibhagha isuuhu.

Amaköri gha Bhatomu 19:18

Niho abhaato bhaaru bhano ꞉bhaare bhamokumiri Yesu bhakaacha bhaghatuukuuna ambërë e bhaato kwo mabhe ghaabho ghano ꞉bhaare bhaköriri.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Yakobho 5:16

Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.