Bhiremooni 1:7 - Eriiraghano Eriihë

⁷ Mohiiri waane, obhosiighi bhoocho mboheere ghuchömëru kwaru na ghunköngʼi chwee, gho kubha emetema ghe bhatööbhiyu ngisambaarokuru chwee gho ghiri yaacho.

Bhiremooni 1:7 ပူးပေါင်းရင်းမြစ်များ

1 Abhakorinto 16:18

Mbasambaarokiri omotema waane, wiiki mbasambaarokiri ne emetema gheenyu. Gho ghayo, mobhamënyë bhoheene abhaato kinya bhayo.

2 Abhakorinto 7:13

Mo‑riyo motughambisiini chwee. Haghirohamu na riyo, ꞉ntuuchömiiru chwee hano tomorooche Tiito kebhuno are achömiiru, gho kubha ꞉muusambaarokiri omotema waache.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

1 Abhatesaronike 3:9

Ibheere ntoghotora korereha Eryobha gheghiro ke kubha toriitabheri gho ghiri e bhokumi bhoonyu? Koru gho ghuchömëru kwaru kuno toonyi nako ambërë e Ryobha gho ghiri yaanyu?

2 Timotewo 1:16

Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

Bhiremooni 1:20

Ibheere, mohiiri waane, unkörërë rino gho ghiri e Mutëmi. Uchömi omotema waane kinya omohiiri gho Kirisito angaköriri.

2 Yohana 1:4

Nichömiiru chwee hano nyoghwire ighoro e bhaana bhaacho abhamu kubha mbaghöötiri obhuhëënë, kinya bhuure Taata Waryobha ꞉aturagheriiri.