Bhiremooni 1:24 - Eriiraghano Eriihë

²⁴ Wiiki abhatamishi bhaghëndi bhaane Maariko, na Arisitaariko, na Tema, na Ruuka, mbaghoghukëëri.

Bhiremooni 1:24 ပူးပေါင်းရင်းမြစ်များ

Amaköri gha Bhatomu 12:12

Hano Bheetero amënyiri ghayo, aghaye kimu kimu awaache Mariyamu, nyina Yohana uno are arabherekeru Maariko. Mo‑nyumba iyo abhakumi bhaaru mbaare bhiikomiine‑mu bhararisabha Eryobha.

Amaköri gha Bhatomu 12:25

Bharinaabha na Sawuri bhoose, hano bhamariri omoremo waabho o kobhatoori abhakumi, bhaghagharuka koru Yerusareemu bhakamwimoki na Yohana uno are arabherekeru Maariko.

Amaköri gha Bhatomu 13:13

Bhawuro na abhaghëndi bhaache bhaakaru hayo Bhaafo. Bhaghaköra orughëndö mo‑bhwato mbagha bhakahika mo‑moghya o Bhereghi mo‑mukööwa o Bhambiriya. Yohana Maariko iwe akabhatigha hayo, aghagharuka Yerusareemu.

Amaköri gha Bhatomu 19:29

Omoghya woose o Ebheeso oghiichora anyööri. Abhaato bhayo bha Ebheeso bhakabhaghööta, Ghaayo na Arisitaariko abhiikari bha Maketoniya bhano ꞉bhaare bharaköra orughëndö haghirohamu na Bhawuro. Bhaghasöha nabho bhwango mwibhancha rino ꞉bhaare bharakörëra eriibhina.

Amaköri gha Bhatomu 27:2

Mo‑rughëndö ruyo tooghaye haghirohamu na Arisitaariko, o moghya o Tesaronike o mo‑mukööwa o Maketoniya. Mbe, toghatiira mo‑meeri ino ere eraru mo‑moghya o Atiramitiyo erëërëkëra mo‑chabhandaari che mo‑mukööwa o Asiya.

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

Abhabhiribhi 2:25

Ibheere nerighi m‑bhoheene komotoma bhowaanyu omokumi mughëndi waane Ebhabhurotiito, omuhöki o meremo ghe Ryobha haghirohamu na neeni, no omoshirikare mughëndi waane gho kuröönëra Angʼana Anchömu. Wiiki niwe ꞉mootomiri ghokoone ghontoori na kunyaakera mo‑bheghiro bhino ꞉neesuuhiiru.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

Abhakorosaayi 4:10

Arisitaariko, uno abhöhuru haghirohamu na neeni, nakobhakëëri. Maariko woose, omohiiri o Bharinaabha nakobhakëëri. Mosongʼaaniri amëërëkërëri ighoro yaache. Hano akohika bhowaanyu momughënëhi bhoheene.

Abhakorosaayi 4:14

Ruuka omughabho wiito omosiighani, na Tema mbakobhakëëri.

1 Bheetero 5:13

Abhakumi bha riikanisa rino reenyi Bhabheeri, abhaahöru abhaghëndi bhaanyu, mbakobhakëëri. Na Maariko woose, omoona waane mo‑bhokumi, nakobhakëëri.

3 Yohana 1:8

Gho ghayo, itu ntokwëndëru kobhatoori abhaato kinya bhayo. Gho ghuköra hangʼu, ntookubha tughöötiine haghirohamu nabho mo‑meremo ghe kuraghani obhuhëënë.