Amaköri gha Bhatomu 9:3 - Eriiraghano Eriihë

³ Mbe, Sawuri aghasëëma orughëndö rooche ghuye mo‑moghya o Tamaasiko. Hano are ˆaghatingʼi omoghya uyo, hayo hayo emirëngaari mihaari koru Mwishaaro ghekamurëngaari chambaara choose.

Amaköri gha Bhatomu 9:3 ပူးပေါင်းရင်းမြစ်များ

Amaköri gha Bhatomu 22:6

“Mbe, kinya mo‑chaasa ishaasabhe che mwishe, neekabha ˆneghatingʼi kohika hayo Tamaasiko. Hayo hayo obhwero bhuhaari koru Mwishaaro bhokandëngaari chambaara choose.

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

Amaköri gha Bhatomu 9:27

Niho Bharinaabha akamwimoki akamohira Sawuri kwo bhatomu bha Yesu. Akabhabhoorera kinya Sawuri amorooche Omutëmi mo‑nchëra araghe Tamaasiko, na bhuure Omutëmi ꞉asiikiire nawe. Wiiki akabhamënyi kinya Sawuri ꞉eghiri abhaato iyo Tamaasiko ighoro e Yesu kwo bhosubhesubhe.

1 Abhakorinto 15:8

Hano amariri kwiyërëkani kwo bhaato bhoose, akiyëërëkani na ghokoone wiiki, eni uno neenyi kinya omoona uno ibhwiru atahikiri.

1 Abhakorinto 9:1

Ibheere, eni nteenyi huuru? Eni taanyi omotomu? Eni ntemorooche Omutëmi wiito Yesu? Wiiki emeremo ghino eni ꞉niiköriri taanyi nighyo ghebhaköriri inyu momokumi Omutëmi?

1 Timotewo 6:16

Eryobha eryene chiri niryo retaaghoku, ndikeere mo‑bhwero bhuno omooto taaghotora kobhwishukerera. Wiiki taanyi‑ho omooto uno arerooche, koru uno aghotora korerighi. Iryo resongʼaane asooko na changuru emiishe ghyose. Hawubhaabha.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.