Amaköri gha Bhatomu 4:3 - Eriiraghano Eriihë

³ Ibheere bhakabhaghööta Bheetero na Yohana. Eriibhagha riyo n‑omughörööbha ꞉haare, bhakabhatoora mwighërëcha mbagha atabhoori yaache.

Amaköri gha Bhatomu 4:3 ပူးပေါင်းရင်းမြစ်များ

Mataayo 4:12

Mbe, Yesu hano oghwire kubha Yohana Omubhatisaachi nabhöhuru mwighërëcha, aghaye mo‑mukööwa o Ghariraaya.

Ruuka 22:52

Mo‑bhaato bhano ꞉bhiichiri komughööta Yesu, mbaare, abhakoro bha bhachaama, na abhakoro bha bhachongi bha Risëngërö, na abhagharuka bha Bhayahuuti. Yesu akabhabhoori, “Aa! Kana, mwichiri ne ebhinyamiino na charungu ghungööta eni kinya erinyangara?

Ruuka 22:54

Hayo hayo, abhachongi bha Risëngërö bhakamughööta Yesu, bhakamohira awaache Omuchaama Omokoro. Bheetero akabharu anyuma gho kurë.

Yohana 18:12

Mbe, omokoro o bhaashirikare, haghirohamu ne erikinda reeche, na abhatamishi bha bhakangati bha Bhayahuuti, bhakamughööta Yesu, bhakamubhöha.

Amaköri gha Bhatomu 5:18

Gho ghayo, bhakabhaghööta abhatomu bhayo, bhakabhabhöha mwighërëcha.

Amaköri gha Bhatomu 6:12

Hano bhasiikiire amangʼana ghayo, ghakabhaseeghereri chwee abhaato, haghirohamu na abhagharuka bha Bhayahuuti na abheeghi bha meghiro. Abhaato bhayo bhoose bhakamughööta Siteebhano, bhakamohira mo‑riibharacha eriikoro re Bhayahuuti.

Amaköri gha Bhatomu 8:3

Sawuri aghasëëma kobhanyaaki abhaato bha mo‑kanisa. Akabha arasöha mo‑chaaka cheebho, arabhahoroki anche abhasubhe na abhakari, arabhahira mo‑chanyumba che bhabhöhu.

Amaköri gha Bhatomu 9:2

akamusabha amuhë anyaarubha ino aghuye nayo mo‑masinaghooghi gha moghya o Tamaasiko, kubha arabhabhöna iyo abhaghëndi bha Yesu, abhasubhe na abhakari, abhaghöötë, na kobharëëta Yerusareemu.