Amaköri gha Bhatomu 4:2 - Eriiraghano Eriihë

² Abhakoro bhayo mbaare bhakariire chwee, gho kubha Bheetero na Yohana mbaare bhareeghi abhaato bharabhabhoorera kubha, Yesu naryokiri koru mo‑bhaku. Angʼana iyo nekwërëki kubha, abhaku mbakoryoka.

Amaköri gha Bhatomu 4:2 ပူးပေါင်းရင်းမြစ်များ

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 19:23

Kwo riibhagha riyo riyo hayo Ebheeso, hakarwera anyööri yaaru chwee ighoro e bhano ꞉bhaare bharamokumi Yesu.

Amaköri gha Bhatomu 24:21

Hamwabhe ꞉mbaarooche kobhe hano neereriri kwo riiraka ikoro ambërë yaabho kubha, ‘Ghano ghaghughëri eni neteneru ekiina ambërë yaanyu reero, n‑gho kubha neghwitëngʼëra kubha, abhaku mbakoryoka.’”

Amaköri gha Bhatomu 26:23

Ibho ꞉mbaabhughiri kubha, Kirisito nakwëndëru anyaakibhu, wiiki abhe niwe o mumbërë koryoka koru mo‑bhaku, gho ghiri araghani kubha, obhwero bho bhotoori ˆbhokabharëngaareri abhaato bhoose, Abhayahuuti na abhaato bha matöngö.”

Amaköri gha Bhatomu 26:8

Ngwake inyu mokwanga ghokumi kubha Eryobha ndekoryoki abhaku?

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Amaköri gha Bhatomu 5:17

Omuchaama Omokoro, na abhaghëndi bhaache bhoose bhano mbaare bha rikinda re Masatukaayo, bhaghaghöötu ne eriihari ighoro e bhatomu bha Yesu.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.