Amaköri gha Bhatomu 3:2 - Eriiraghano Eriihë

² Mwisëngërö hayo, haghuhe ne ekehita kino ghekobherekeru Eghichömu, naare‑ho omooto uno are omubhëëru korwera kwibhoru kooche. Chaasiko choose naare ararëëtu na abhaato na ghotooru haghuhe ne ekehita kiyo, kubha asabhe chambiiri kwo bhaato bhano ꞉bhaare bharasöha Mwisëngërö.

Amaköri gha Bhatomu 3:2 ပူးပေါင်းရင်းမြစ်များ

Ruuka 16:20

Mo‑ghisëku ke mwame uyo, naare‑ho omuhabhe umu, eriina reeche Rasaaro. Rasaaro uyo, omobhere waache woose noore wichwire amaghaati.

Ruuka 18:35

Yesu naare ˆaghatingʼi omoghya o Yeriko. Hayo rubhareka ro nchëra iyo, naare ikeere omohuku umu, arasabha chambiiri.

Yohana 9:8

Niho abhaatani bhaache na abhande bhano ꞉bhaare bharamorighi ekeenyuma hayo arasabhasabha, bhakabhugha, “Kana, omooto uno taanyi wuure are ariikara haase na ghusabhasabha?”

Amaköri gha Bhatomu 10:31

Akamboorera akabhugha, ‘Korineeriyo, Eryobha ndyoghwire amasabhi ghaacho, nderooche kinya oghusakeri abhahabhe.

Amaköri gha Bhatomu 10:4

Korineeriyo akamumööhërëri marayika uyo kwo bhotiini, akamobhoori akabhugha, “Omutëmi, neke ˆghekabhönëka?” Marayika uyo akamugharokeri akabhugha, “Eryobha ndyoghwire amasabhi ghaacho, na nderooche kebhuno oghusakeri abhahabhe. Ghayo ghoose, Eryobha ndeghokohiita iyo Mwishaaro.

Amaköri gha Bhatomu 14:8

Mbe, mo‑moghya o Risitura naare‑ho omooto umu mubhëëru, taare aratora ghughënda korwera kwibhoru kooche.

Amaköri gha Bhatomu 3:10

Hano bhamënyiri kubha n‑omubhëëru uno are ariikara arasabhasabha chambiiri mo‑kehita ke Risëngërö kino ghekobherekeru Eghichömu, bhoose bhakaroghoora na kuhagha chwee korighi angʼana ino emorweriire.

Amaköri gha Bhatomu 4:22

Omooto uno ahöruru, n‑omubhëëru are korwera kwibhoru kooche, naare ne emeeka kinya miröngö ene no obhusaagho.