Amaköri gha Bhatomu 2:4 - Eriiraghano Eriihë

⁴ Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.

Amaköri gha Bhatomu 2:4 ပူးပေါင်းရင်းမြစ်များ

Mataayo 10:19

Hano bhakobhaghööta na kobhahira mo‑bhakangati, motaacha kubha na ahaho kubha neke moghosiikëra, hamu nibhu moghosiikëra. Eryobha eryene ndekobhaha ghano moghosiikëra kwo riibhagha riyo.

Maariko 16:17

Abhaato bhano bhamokumiri, mbaghuköra ebhyërëkërëri bhino, mbaakubha bhararuusi emisambu mo‑bhaato kwo riina reene na ghosiikëra gho ghighambo ekihë,

Ruuka 1:15

gho kubha omoona uyo naakubha omokoro ambërë e Mutëmi. Omoona uyo ataacha kunyo amaro ghoghoose ghaare. Korwera mo‑nda e nyina, naakubha ichoriibhu Akörö Ahörëëru.

Ruuka 1:41

Rusabheeti, hano oghwire erikëërani re Mariyamu, omoona uno anyi mo‑nda yaache aghatuumatuuma. Hayo hayo, aghiichöribhu Akörö Ahörëëru,

Ruuka 1:67

Sakariya, ishe omoona uyo, aghiichöribhu Akörö Ahörëëru, akaruusi obhurööti arabhugha,

Ruuka 12:12

Motanyaaka gho kubha, eriibhagha riyo, Akörö Ahörëëru nekobheeghi amangʼana ghano ghakwëndëru mobhughe.”

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Ruuka 4:1

Yesu akaru mo‑rooche ro Yorotaani, ichoriibhu Akörö Ahörëëru. Akörö iyo ekamukangata ekamohira mwibhara,

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 20:22

Niho akabhahuuteri omwika, akabhabhoorera akabhugha, “Mosongʼaane Akörö Ahörëëru.

Amaköri gha Bhatomu 1:5

Yohana ꞉naabhatiisiri abhaato kwo manche, amare gho chaasiko insuuhu chino chekuucha, inyu mokubhatiisu gho Körö Ahörëëru.”

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 10:46

꞉Mbaamënyiri hangʼu gho kubha ꞉mbaabhooghwire abhaato bhayo bharasiikëra gho ghighambo ekende bharareghongi Eryobha. Niho Bheetero akabhugha,

Amaköri gha Bhatomu 10:47

“Abhaato bhano mbabhwine Akörö Ahörëëru kinya itu ꞉toobhwine. N‑niwe uno aghotora kobharëki abhaato bhano bhatabhatiisu kwo manche?”

Amaköri gha Bhatomu 11:15

“Hano niisëëmiri ghosiikëra na abhaato bhayo, Akörö Ahörëëru ekabhiikera, kinya bhuure etwikiire ekimbërë.

Amaköri gha Bhatomu 11:24

Bharinaabha naare omooto omuhëënë uno ichoriibhu Akörö Ahörëëru no obhokumi. Ekirëngërë ghekoro ke bhaato kino ꞉keemokumiri Omutëmi Yesu ghëkëëngëra chwee.

Amaköri gha Bhatomu 13:52

Amare abhaghëndi bha Yesu bhano ꞉bhaasaaghiri iyo Antiyokiya e Bhisitiya bhaghachömëru chwee, bhaghiichoribhu Akörö Ahörëëru.

Amaköri gha Bhatomu 13:9

Amare Sawuri uno ꞉abherekiiru wiiki Bhawuro naare ichwire Akörö Ahörëëru. Akamoomeri amiisho Erima, akamobhoorera,

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Amaköri gha Bhatomu 19:6

Hano Bhawuro abhatooriire amabhökö ighoro yaabho, hayo hayo Akörö Ahörëëru ekabhiikera, bhaghasëëma ghosiikëra kwo bhighambo ebhende, bhararuusi obhurööti.

Amaköri gha Bhatomu 2:11

Mbaanyi‑ho abhande bhano ꞉bhaaruure Kireete, na abhande n‑Abhaarabhu ꞉bhaare. Ntooghwire itu bhoose, abhaato bhano bharareghongi Eryobha kwo maköri ghaache amakoro, mo‑bhighambo bhiito!”

Amaköri gha Bhatomu 2:3

Niho bhakarighi ebheghiro bhenga kinya chaamemi che mororo, cheghasancha, cheghiikara ighoro e mooto woose.

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Amaköri gha Bhatomu 4:8

Eriibhagha riyo Bheetero akabha ichoriibhu Akörö Ahörëëru, akabhagharokeri akabhugha, “Abhasooku abhakangati na abhagharuka bha Isiraeri!

Amaköri gha Bhatomu 6:3

Mbe, bhahiiri bhiito mumööhi ghate yaanyu, mwahure abhaato mohungate bhano bhamënyëkiine na abhaato bhakobhaghamba kubha mbaanyi na asughara inchömu, na amangʼiini na bhano bhiichoriibhu Akörö Ahörëëru. Bhayo nibho tobhatoore mo‑meremo ghino ghe kuhööhi abhaato ebhiinyakurë,

Amaköri gha Bhatomu 6:5

Angʼana iyo ekabhategheri chwee abhaato bhayo bhoose. Bhakamwahura Siteebhano, omooto uno ichwire Akörö Ahörëëru no obhokumi. Wiiki bhakabhaahura Bhiiribho, na Bhurokoro, na Nikanoori, na Timooni, na Bharimeena, na Nikoraawo o koru Antiyokiya, iwe n‑omooto o matöngö are amare naare akumiri atiini e Kiyahuuti.

Amaköri gha Bhatomu 6:8

Siteebhano uyo, Eryobha ꞉ndeemoheere aghareeya yaaru, na changuru chaaru, akabha araköra ebhyërëkërëri ne ebhiraghe mo‑bhaato.

Amaköri gha Bhatomu 7:55

Eriibhagha riyo, Siteebhano akabha ichoriibhu Akörö Ahörëëru, akamööhi ighoro Mwishaaro, akarighi obhokumi obhokoro bho Ryobha, na Yesu imeeriire eribhaara re kwiro re Ryobha.

Amaköri gha Bhatomu 8:17

Mbe, Bheetero na Yohana bhaghatoora amabhökö ighoro e bhakumi bhayo, bhakahaabhu Akörö Ahörëëru.

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

1 Abhakorinto 12:10

no owonde ekihaano ghe ghuköra ebheroghooro, no owonde ekihaano ghe koruusi obhurööti. Akörö iyo iyo nekomuha owonde ekihaano ghe kumënya amangʼana ghano gharuure mo‑körö ambe hamu mo‑Körö Ahörëëru, owonde ekihaano ghe ghosiikëra eghighambo ekihë, owonde ekihaano ghe ghugharura ebhighambo bhiyo.

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

1 Abhakorinto 13:8

Obhosiighi bhotaghöötë antenero naabha! Amare obhurööti, na ghughamba ebhighambo ebhihë, na kubha no obhumënyi, ebhihaano bhiyo bhyose mbeenyi na antenero.

1 Abhakorinto 14:18

Nekoriitabheri Eryobha gho kubha neghosiikëra kwo bhighambo ebhende ghokera inyu bhoose,

1 Abhakorinto 14:5

Eni nekwënda inyu bhoose mubhe morasiikëra ebhighambo ebhihë, amare ahanene nekwënda mubhe moraruusi obhurööti. Neghosiikëra hangʼu, gho kubha koruusi obhurööti nkoonyi no obhwëra chwee mo‑bhakumi, ghokera ghughamba ebhighambo ebhihë, aribha taanyi‑ho uno aghugharura ebhighambo bhiyo. Mbe, uno aghosiikëra ebhighambo ebhihë agharure kubha atoori abhakumi abhande bhaköngʼëri mo‑bhokumi.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhaebheeso 5:18

Wiiki motarëëwu, gho kubha okurëëwu ngoghughëri omooto akörë amangʼana gha chaasoni. Amare inyu mwichoribhu na Akörö Ahörëëru.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

2 Bheetero 1:21

Nekobhugha hangʼu gho kubha, ghataanyi‑ho amangʼana gha bhurööti ghano ghakorwera mo‑miigha gha mooto. Amare abhaato ꞉mbaaruusiri obhurööti koru kwo Waryobha bharakangatu na Akörö Ahörëëru.