Abheebhuraaniya 9:1 - Eriiraghano Eriihë

¹ Eriiraghano e rimbërë ndeere ne emeghiro ghino abhaato ꞉bhaare bharaghesooka hano ꞉bhaare bhararisëngëra Eryobha. Wiiki Eriiraghano riyo ndeere na Ahaghiro Ahatööbhiyu ha korisëngërëra Eryobha mo‑se ino.

Abheebhuraaniya 9:1 ပူးပေါင်းရင်းမြစ်များ

Ruuka 1:6

Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Abharuumi 9:4

Bhayo nibho Abhiisiraeri, abhaato bhano Eryobha ryahwire bhabhe abhaana bhaache, ꞉ndëëbhëërëkiri obhokumi bhooche obhokoro na ꞉ndiiköriri amaraghano nabho. Wiiki ꞉ndeebhaheere emeghiro gheeche, haghirohamu na ghano ꞉reebharaghiri, na ꞉ndëëbhëërëkëriiri kebhuno ekwëndëru korisëngëra.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

Abheebhuraaniya 8:13

Eryobha hano rekobhugha kubha eriiraghano rino n‑ihë, ꞉ndiiköriri eriiraghano e rimbërë kubha re kare. Mbe, egheghiro ghyokyose kino kibheere ghe kare ngekunguhiri, ghetaanyi no omoremo wowoose, haghuhe keenyi koru‑ho.

Abheebhuraaniya 8:2

Iwe n‑Omuchaama Omokoro o Haghiro Ahatööbhiyu iyo Mwishaaro, moose e riibhuru riire re hëënë rino retaabhëkuru no omooto amare n‑Omutëmi Waryobha omwene aryabhëkiri.

Abheebhuraaniya 8:7

Aribha Eriiraghano e rimbërë rengabheere no obhwëra, omweya o Riiraghano re kabhere tongatabhiiru.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.