Abheebhuraaniya 8:5 - Eriiraghano Eriihë

⁵ Ghaare abhachaama bhayo bhaghuköra Ahaghiro Ahatööbhiyu n‑eghetuubhaani ne ekiriiri ke ghaare ghaanyi Ahaghiro Ahatööbhiyu iyo Mwishaaro. Nikyo ꞉ghiighëriri Eryobha rekamobhoorera Musa hano are arisëëmi kwabhëka eriibhuru re ghusëngëra Eryobha kubha, “Ukörë amangʼana ghoose kinya bhuno nekwërëkiri mo‑gheghoro kiire ghe Sinaayi.”

Abheebhuraaniya 8:5 ပူးပေါင်းရင်းမြစ်များ

Mataayo 2:12

Rekamara, Eryobha rekabhashaangʼi mo‑riröötö kubha bhatagharuka wiiki o‑Herote. Gho ghayo, bhaghagharuka bhowaabho gho kohetera anchëra ayende.

Amaköri gha Bhatomu 7:44

Siteebhano akabhugha, “Iyo mwibhara, bhasookoro bhiito bhayo bhatataaniri ne eriibhuru re bhwibhateri. ꞉Ndiiköruru kinya Eryobha reere remwërëkëriiri Musa koriköra.

Abhakorosaayi 2:17

Ghayo ghoose n‑ekiriiri ke mangʼana ghano gha kuucha, obhuhëënë bho mangʼana ghayo n‑Kirisito omwene.

Abheebhuraaniya 10:1

Mbe, emeghiro ghe Musa n‑eghetuubhaani ke mangʼana amachömu ghano ghakuucha, amare taanyi amangʼana ghayo agheene. Kiyo nikyo gheghuköra amaruusi ghano abhaato bhakoruusi kira omooka kurëngʼaana ne emeghiro ghiyo, ghetaaghotora naabha kobhamusa abhaato bhano bhakorisëngëra Eryobha.

Abheebhuraaniya 11:7

Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 13:10

Ntookurë amaruusi ghano ghasinchuru ighoro e haghiro ha koruuseri amaruusi hano koru abhachaama bhano bhakorihökëri Eryobha mwibhuru re ghusëngërëra, bhataaghwisherereru kurë.

Abheebhuraaniya 9:9

Emeremo ghyose ghino gheere gheraköru mo‑riibhuru riire n‑eghetuubhaani ke meremo ghe riibhagha rino. Nekwërëki kubha, amaruusi na chatyenyi che ghosireekereri ghano ꞉ghaare ghararuusibhu kwo Waryobha, ghataare gharatora koruusi amasari koru mo‑metema ghe bhaato bhano ꞉bhaare bhararisëngëra Eryobha.

Obhohunyurëru 15:5

Hano ghayo ghahetiri, nekarëkëra amiisho nekarighi Erisëngërö righwiru Mwishaaro, niryo eriibhuru re bhwibhateri bho kubha‑ho kwo Waryobha.