Abheebhuraaniya 8:3 - Eriiraghano Eriihë

³ Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

Abheebhuraaniya 8:3 ပူးပေါင်းရင်းမြစ်များ

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abheebhuraaniya 5:1

Kira Omuchaama Omokoro naare araahoru koru mo‑bhaghëndi bhaache, kubha imeererere amangʼana gha Ryobha gho ghiri e bhaato. Wiiki iwe nahaaruuseri Eryobha amaruusi na chatyenyi che ghosireekereri gho ghiri e masari gha bhaato.

Abheebhuraaniya 7:27

Abhachaama abhakoro mbaare bharëëndëru koruusi kira orosiko, amaruusi gho ghiri e masari ghaabho. Eriibhagha ꞉bhaaköriri hangʼu, mbaare bhararuusi amaruusi aghande gho ghiri e masari gha bhaato abhande. Wiiki mbaare bharaköra hangʼu mara kaaru. Amare Yesu ꞉niiruusiri mo‑musarabha mara rimu hangʼu gho ghiri e masari gha bhaato bhoose.

Abheebhuraaniya 8:4

Aribha Yesu angëndëriire ghwikara mo‑se ino, tangabheere Omuchaama Omokoro naabha, gho kubha mo‑se ino mbaanyi‑ho abhachaama bhano bhakoruusi amaruusi kurëngʼaana ne emeghiro ghe Musa.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.