Abheebhuraaniya 7:6 - Eriiraghano Eriihë

⁶ Nangabha Merikiseteeki taruure mo‑rwibhoro ro Bharaawi, koru hangʼu ꞉niimokiri imu ghwi ikomi koru kwo Abhurahamu. Merikiseteeki ꞉naamwitabhiiri Abhurahamu uno Eryobha ꞉riiraghiri komwitabheri.

Abheebhuraaniya 7:6 ပူးပေါင်းရင်းမြစ်များ

Amaköri gha Bhatomu 3:25

Inyu n‑abhaana bha bharööti moonyi, wiiki moghusanga eriiraghano rino Eryobha ꞉riiköriri na bhasookoro bhaanyu. Eryobha ꞉ndeemuraghiri Abhurahamu, ‘Gho kohetera orwibhoro roocho, abhaato bha chaase choose mbaghwitabheru.’

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

Abharuumi 9:4

Bhayo nibho Abhiisiraeri, abhaato bhano Eryobha ryahwire bhabhe abhaana bhaache, ꞉ndëëbhëërëkiri obhokumi bhooche obhokoro na ꞉ndiiköriri amaraghano nabho. Wiiki ꞉ndeebhaheere emeghiro gheeche, haghirohamu na ghano ꞉reebharaghiri, na ꞉ndëëbhëërëkëriiri kebhuno ekwëndëru korisëngëra.

Abhagharatiya 3:16

Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Abheebhuraaniya 11:17

Obhokumi ꞉mboomuköriri Abhurahamu, hano Eryobha ꞉reemusakiri, aghiishereri akaruusi Isaka abhe amaruusi gha Ryobha. Abhurahamu niwe ꞉ahaabhuru eriiraghano koru kwo Waryobha, amare ꞉niisheriiri komoruusi omoona waache omwene chiri abhe amaruusi,

Abheebhuraaniya 7:1

Merikiseteeki uyo naare omutëmi o Sareemu. Wiiki naare omuchaama o Ryobha Omokoro o Bhyose. Merikiseteeki aghatëmëërana na Abhurahamu hano Abhurahamu are araru mwihë. Abhurahamu naare arööniri na abhatëmi bhane akabhahicha, Merikiseteeki akamwitabheri.

Abheebhuraaniya 7:7

M‑mahëënë kubha, omokoro niwe ahamwitabheri omosuuhu.