Abheebhuraaniya 7:18 - Eriiraghano Eriihë

¹⁸ Mbe, Eryobha ꞉ndeeruusiri eriiraghereri riire re simoka ighoro e bhachaama, gho kubha retaare na changuru, wiiki retaare ne emeremo ghyoghyose.

Abheebhuraaniya 7:18 ပူးပေါင်းရင်းမြစ်များ

Amaköri gha Bhatomu 13:39

Gho kohetera iwe, omooto woose uno akomokumi Yesu nakubhareru obhuhëënë. Angʼana ino tehikeriine gho ghughööta emeghiro ghe Musa.

Abharuumi 3:31

Ibheere kana, hano tokuhënërëra komokumi Yesu, niko kobhugha kubha emeghiro ghe Musa ghetaanyi no obhwëra? Tiyaanyi! Amare toramokumi Yesu, niho tookubha tohikeriini ghoose ghano emeghiro ghe Musa ghyërëkëriiri.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abhagharatiya 3:15

Abhahiiri bhaane, tigha neruusi eghetuubhaani. Tobhughe kubha mbaanyi‑ho abhaato bhabhere bhiishereriini ighoro e ngʼana nyarebhe. Erabha amiishererani ghaköruru na ghotooru omohuuri, taanyi‑ho omooto aghotora kwanga hamu kwëngëra ghyokyose mo‑miishererani ghaabho.

Abhagharatiya 3:17

Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

Abhagharatiya 4:21

Ibheere momboorere inyu bhano mokwënda ghukangatu ne emeghiro, mweche kinya bhuno emeghiro ghekobhugha?

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Abheebhuraaniya 7:19

꞉Ndeegheruusiri gho kubha emeghiro ghiyo ghetaare no obhotoro bho kohikeerani egheghiro ghyokyose, amare ibheere Eryobha ndetoheere amiitëngʼërö aghande ghano ghaanyi no obhwëra bhokoro, gho kohetera ghayo, ntoghotora koriishukerera.