Abheebhuraaniya 6:9 - Eriiraghano Eriihë

⁹ Inyu abhasiighani bhaane, nangabha nebhaandëkiire kwo mangʼana mahaari, koru hangʼu eni neenyi no obhuhëënë kubha moghuköra amachömu ghano ghakwërëki kubha motooriibhu.

Abheebhuraaniya 6:9 ပူးပေါင်းရင်းမြစ်များ

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.

1 Abhakorinto 10:14

Gho ghayo, abhasiighani bhaane, mwikabhaahe motasëngëra chasanaamu!

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

2 Abhakorinto 7:10

Amacheeche ghano ghakuucha gho ghiri e mënda gha Ryobha ngaghughëri otuukuune. Oghotuukuuna kinya kuyo taanyi gho ghwitema amasörö, gho kubha ngokurëëta obhotoori. Amare amacheeche ghano ghakuucha gho ghiri e amangʼana gha mo‑se, ngakurëëta oroko.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Abheebhuraaniya 10:39

Amare totaanyi kinya abhaato bhano bhaghotigha koritambana Eryobha, bhano bhabhoriri. Amare ntoonyi haghirohamu na bhaare bhakorekumi. Gho nchëra iyo, ntotooriibhu.

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.

1 Yohana 2:7

Abhasiighani bhaane, omoghiro uno nabhaandëkiire taanyi muhë, amare n‑omoghiro wuure o kare, uno moore nawe korwera hano mokumiri Kirisito. Omoghiro uyo o kare, n‑angʼana yiire mooghwire ighoro e bhosiighi.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.