Abheebhuraaniya 6:4 - Eriiraghano Eriihë

⁴ Mbe, mbaanyi‑ho abhaato bhano ꞉bhaatoriri kumënya obhuhëënë koru kwo Waryobha, bhakabhöna atuho e Mwishaaro, na kubha haghirohamu na bhaato bhano bhasongʼaaniri Akörö Ahörëëru.

Abheebhuraaniya 6:4 ပူးပေါင်းရင်းမြစ်များ

Mataayo 12:45

Mbe, nooghuye wimoki emisambu emebhe eghende mohungate ghino emebhe ghokera ryo. Emisambu ghyose ghiyo ngekomusöhërëra omooto uyo, ghimanya mo‑mobhere waache. Gho ghayo, antenero e riimanya re mooto uyo ribha ibhe chwee ghokera e rimbërë. Hangʼu nibhu ekubha kwo bhaato bha rwibhoro runo orobhe.”

Mataayo 5:13

“Inyu n‑omoonyo o se. Amare omoonyo aribha usarëkiri, noghotooreru ke ghugharoki obhuchömu bhooche wiiki? Tooghotora kubha no obhuchömu wiiki gho gheghiro ghyokyose, amare mbakowute kurë na ghutachu na abhaato.

Yohana 15:6

Omooto wowoose araanga ghwikara moose yaane natuubhiine ne eghisaghe kino ghekurëkëru na kunyaara. Mbe, abhaato mbaghoghitööra na ghokirëkëra mo‑mororo, kehi.

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Yohana 6:32

Mbe, Yesu akabhabhoorera akabhugha, “Mahëënë ˆnekabhabhoorera, taanyi Musa uno ꞉abhaheere bhasookoro bhaanyu ebhiinyakurë bhiire bheruure Mwishaaro. Amare n‑Taata waane, uno ibheere akobhaha inyu ekiinyakurë ke hëënë kino gheekoru Mwishaaro.

Amaköri gha Bhatomu 10:45

Abhayahuuti abhakumi bhano bhiichiri haghirohamu na Bheetero, bhakahagha chwee korighi kubha Eryobha ˆrekabhaha ekihaano ghe Körö Ahörëëru, koru abhaato bha matöngö aghande.

Amaköri gha Bhatomu 11:17

Ibheere ekihaano kino Eryobha ꞉reetoheere eriibhagha ꞉toomokumiri Omutëmi Yesu Kirisito, nikyo kiyo kiyo rebhaheere bhano. Mbe! Eni n‑niwe neryange Eryobha?”

Amaköri gha Bhatomu 15:8

Eryobha niryo ryeche ghoose ghano ghaanyi mo‑metema ghe bhaato, ndyërëkiri kubha abhaato bha matöngö bhoose ndebhiisheriiri, gho kubha bhoose mbahaabhuru Akörö Ahörëëru, bhuure bhuure kinya itu Abhayahuuti tuhaabhuru.

Amaköri gha Bhatomu 8:20

Bheetero akamobhoorera akabhugha, “Iye na chambiiri cheecho, mokwere kurë haare, gho kubha noghwituuri noghotora ghoghora ekihaano ke Ryobha gho chambiiri!

Abharuumi 1:11

Neghusabha hangʼu, gho kubha neenyi na amiigha chwee gha korighani na niinyu, kubha niköngʼi obhokumi bhoonyu gho kobhaha orubhango ro mo‑chaakörö.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 3:2

Nekwënda kwegha angʼana imu koru ghokoonyu. Kana, mosongʼaaniri Akörö Ahörëëru gho ghughööta emeghiro, ghasi gho ghokumi ghaare mooghwire ighoro e Yesu?

Abhagharatiya 3:5

Kana, Eryobha ndebhaheere Akörö yaache na ghuköra ebheroghooro ghateghate yaanyu gho ghoghosooka emeghiro, ghasi gho kubha ꞉mookumiri Angʼana Anchömu ighoro e Yesu?

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Abhaebheeso 2:8

Mbe, hangʼu nibhu aghareeya e Ryobha ebhatooriri, gho nchëra e komokumi Yesu Kirisito. Obhotoori bhuyo bhotabhönëkiri gho ghwiköngʼi koonyu, Eryobha niryo retoheere kinya atuho.

Abhaebheeso 3:7

Mbe, eni ꞉niiköruru kubha omutamishi o kuraghani Angʼana Anchömu, gho kihaano ghe ghareeya e Ryobha kino ꞉reeheere gho kurëngʼaana no obhotoro bhooche.

Abhaebheeso 4:7

Amare ghate yiito Kirisito natwitabhiiri ekihaano kwo mooto woose, kurëngʼaana na kinya iwe ꞉ëndiri koruusi.

1 Timotewo 4:14

Otatigha kuhökëri ekihaano kino Eryobha rekoheere, na amangʼana gha bharööti ngakuhëënëhi ghayo hano abhagharuka bha riikanisa bhaghotooriire amabhökö.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

2 Timotewo 4:14

Arekisanta, omoturi o bhyoma, ꞉naanköriire amangʼana amabhe chwee. Omutëmi Yesu nakomotenera ekiina kurëngʼaana na amaköri ghaache.

Abheebhuraaniya 10:32

Amare mohiite chaasiko chiire ꞉muusëëmiri komokumi Kirisito. Nangabha moore morabhöna anyaako inkoro, koru hangʼu moore moraghumereri anyaako iyo.

Abheebhuraaniya 2:4

Eryobha ryose ndeere rerahëënëhi obhotoori bhuyo gho kobhaha abhaato bhayo obhotoro bho ghuköra ebhyërëkërëri ne ebhiraghe ne ebheroghooro bhe manga maaru. Wiiki ꞉ndeebhahööhiri abhakumi ebhihaano bhe Körö Ahörëëru kurëngʼaana na amënda ghaache.

1 Yohana 5:16

Ngaanyi‑ho amasari ghano ghataakomutaani omooto ne Eryobha emiishe ghyose. Omooto wowoose aramorighi mughëndi waache araköra amasari ghanga ghayo, amusabhere kwo Ryobha. Eryobha ryose ndekomuha obhuhöru. Neekubha hangʼu kwo bhaare bhaghuköra amasari ghayo. Amare ngaanyi‑ho amasari ghano ghaghutaani omooto ne Eryobha emiishe ghyose. Eni nteekobhugha amusabhere kwo Ryobha gho ghiri e masari ghayo.