Abheebhuraaniya 6:2 - Eriiraghano Eriihë

² Totabha toragharukera kwegha ameeghi gha bhubhatiiso, na gha kobhatoorera amabhökö abhaato, na gha koryoka kwo bhaku na gha ghoteneru ekiina ke miishe ghyose.

Abheebhuraaniya 6:2 ပူးပေါင်းရင်းမြစ်များ

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Mataayo 3:14

Amare Yohana aghakiibhi komurëki, akamobhoorera akabhugha, “Ningaahe iye ˆokaacha ghokoone? Eni neeni nekwëndëru kubhatiisu na niiye.”

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Maariko 7:4

Wiiki, hano ꞉bhaare bhararu mo‑mitëëra bhataare bhararë egheghiro ghyokyose, mbagha bhishaabhe amabhökö singa. Wiiki mbaare na asughara ayende ino bhasongʼaaniri korwera kare kinya kweghi ebhisënchö, ne ebhehurero ne ebheghiro bhe shabha.

Maariko 7:8

Yesu akëëndërëra kobhabhoorera akabhugha, “Inyu moghotigha amaraghereri gha Ryobha, moghutambana chaasughara che bhaato.

Ruuka 11:38

Omubharisaayo uyo, akaroghoora korighi kubha Yesu akaraaghëra ataamara ishaabha amabhökö.

Ruuka 12:50

Wiiki eni mwene, nirëngʼaaniire nehetere obhubhatiiso bhuno bhokwëndëru nibhatiisu. Anyaako ino neenyi nayo n‑inkoro chwee, mbagha obhubhatiiso bhuyo bhohikeerane.

Ruuka 14:14

Neekubha ngʼoni ghokoocho, gho kubha, ibho bhataanyi ne egheghiro ghe ghokoreha. Eryobha niryo reghokoreha, eriibhagha re kobharyoki abhaato bhaache abhahëënë.”

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Yohana 1:33

Eni ntemumënyiri kubha n‑niwe, amare Eryobha rino rentomiri kubhatiisa abhaato kwo manche ndembooriire, ‘Omooto uno Akörö yaane eghwika na ghwikara ighoro yaache, uyo niwe akubha arabhabhatiisa abhaato gho Akörö Ahörëëru.’”

Yohana 5:29

mbaakoru mo‑chambeehera cheebho, mbakoryokibhu ne Eryobha. Bhano ꞉bhaare bharaköra amachömu, mbakuhaabhu obhuhöru bho miishe ghyose, amare bhano ꞉bhaare bharaköra amabhe, mbaghoteneru ekiina.”

Amaköri gha Bhatomu 10:47

“Abhaato bhano mbabhwine Akörö Ahörëëru kinya itu ꞉toobhwine. N‑niwe uno aghotora kobharëki abhaato bhano bhatabhatiisu kwo manche?”

Amaköri gha Bhatomu 13:3

Hano bhamariri korisabha Eryobha na kwiyima ebhiinyakurë, bhakabhatoorera amabhökö Bharinaabha na Sawuri bhakabhiitabheri, bhakabhiisherereri bhaghëndë.

Amaköri gha Bhatomu 16:15

Niho akabhatiisu haghirohamu na abhaato bha mo‑ka yaache, aghatusasaama akabhugha, “Aribha mokarighi kubha eni woose hëënë nemokumiri Omutëmi, ˆnekabhaghënëhi awaane, mwikare.” Aghatuhënërëra chwee tooghaye.

Amaköri gha Bhatomu 16:33

Obhotiko bhuyo bhuyo, omochongi uyo akabhiishaabhi Bhawuro na Siira amaghaati ghaabho. Akamara akabhatiisu iwe na abhaato bhaache bhoose.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Amaköri gha Bhatomu 2:41

Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.

Amaköri gha Bhatomu 23:6

Hano Bhawuro amënyiri kubha ghate yaabho mbaanyi‑mu Amasatukaayo, na Mabharisaayo, aghatiiri amaraka ghaache mo‑riibharacha riyo, akabhugha, “Inyu abhahiiri bhaane, eni n‑Omubharisaayo neenyi, omoona o Mubharisaayo! Ghano ghaghughëri neteneru ekiina ne emeghiro, n‑gho kubha neghwitëngʼëra kubha, abhaku mbakoryoka.”

Amaköri gha Bhatomu 24:15

Eni netooriri amiitëngʼërö kwo Waryobha, na bhoose mbaanyi ne riitëngʼërö riyo, kubha Eryobha ndekoryoki abhaku bhoose abhahëënë na abhaköri bha mabhe.

Amaköri gha Bhatomu 24:21

Hamwabhe ꞉mbaarooche kobhe hano neereriri kwo riiraka ikoro ambërë yaabho kubha, ‘Ghano ghaghughëri eni neteneru ekiina ambërë yaanyu reero, n‑gho kubha neghwitëngʼëra kubha, abhaku mbakoryoka.’”

Amaköri gha Bhatomu 24:25

Akëëndërëra kobhabhoorera ghoose ghano ghakwëndëru ghuköra ambërë e Ryobha, na kinya bhuure abhaato bhakwëndëru kwihööchërëra mo‑mabhe, na kebhuno Eryobha reghotenera ekiina abhaato. Bheriki hano oghwire ghayo, aghatiina chwee. Akamobhoorera Bhawuro akabhugha, “Kwi ibheere noghotora ghuye. Neghokobherekera wiiki hano nekubhöna omweya.”

Amaköri gha Bhatomu 26:8

Ngwake inyu mokwanga ghokumi kubha Eryobha ndekoryoki abhaku?

Amaköri gha Bhatomu 4:2

Abhakoro bhayo mbaare bhakariire chwee, gho kubha Bheetero na Yohana mbaare bhareeghi abhaato bharabhabhoorera kubha, Yesu naryokiri koru mo‑bhaku. Angʼana iyo nekwërëki kubha, abhaku mbakoryoka.

Amaköri gha Bhatomu 6:6

Bhakabharëëta abhaato bhayo mohungate ambërë e bhatomu, nabho bhakabhasabhera, na kobhatoorera amabhökö ighoro yaabho gho kobhiitabheri.

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

1 Abhakorinto 10:2

Hano bhakangaturu ne erishaaro na koheta ghateghate e nyancha, bhoose bhaakabha bhabhatiisuru kubha abhaanabheegha bha Musa.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

Abhabhiribhi 3:21

Iwe naanyi na changuru che ghotoora ebheghiro bhyose bhibhe haase e bhukangati bhooche. Gho nchëra e changuru chiyo, naghugharura emebhere ghiito ghe bhutöbhu, ghibhe no obhokumi obhokoro kinya omobhere waache onyi.

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

2 Timotewo 2:18

Bhayo mbabhoriri chwee, mbatighiri obhuhëënë gho kobhugha kubha koryoka kwo bhaku nkumariri kubha‑ho. Gho kweghi hangʼu, mbakorumeeri obhokumi bho bhaato abhande.

Abheebhuraaniya 11:35

Obhokumi ꞉mbuuköriri abhakari nyarebhe bhaghasongʼaana abhahiiri bhaabho bhano ꞉bhaare bhakuure, amare bhakaryoka. Abhande ꞉mbaanyahaaruru chwee na ghwitu, amare bhatiisheriiri ghotighooroku, gho kubha mbaare bhariitëngʼëra kubha, Eryobha ndengabharyokiri na kobhaha obhuhöru bhuno bhoonyi no obhwëra chwee.

Abheebhuraaniya 9:10

Amangʼana ghayo, ngaare ighoro e bhiinyakurë, ne ebhinywebhu na kwimusa emebhere. Ghoose ghayo ngaghosira eriibhagha rino Eryobha reghugharura ebheghiro kubha bhihë.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.