Abheebhuraaniya 5:7 - Eriiraghano Eriihë

⁷ Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Abheebhuraaniya 5:7 ပူးပေါင်းရင်းမြစ်များ

Mataayo 27:46

Kwo riibhagha re chaasa kende, Yesu akarera kwo riiraka ikoro arabhugha, “Erooyi! Erooyi! Raama sabhaghitaani?” Egheteemoro ke mangʼana ghayo nikyo kino, “Oo Eryobha reene! Oo Eryobha reene! Ngwake oghantigha?”

Mataayo 27:50

Mbe, Yesu akarera wiiki kwo riiraka ikoro, aghatena akörö.

Maariko 15:34

Niho kinya mo‑chaasa kende, Yesu akarera kwo riiraka ikoro arabhugha, “Erooyi! Erooyi! Raama sabhaghitaani?” Egheteemoro ke mangʼana ghayo nikyo kino, “Oo Eryobha reene! Oo Eryobha reene! Ngwake oghantigha?”

Maariko 15:37

Amare Yesu akarera kwo riiraka ikoro, aghaku.

Ruuka 23:46

Yesu aghakuura kwo riiraka ikoro akabhugha, “Oo Taata! Akörö yaane ˆnekayetoora mo‑mabhökö ghaacho.” Hano amariri kobhugha ghayo, aghatena akörö.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 11:35

Yesu akarera.

Yohana 11:42

Nyeeche kubha nohaanyoghu eriibhagha ryose, amare neghosiikëra ghano gho ghiri e rikinda re bhaato bhano, kubha bhakumi kubha n‑iye ontomiri.”

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 10:10

Mbe, gho kubha Yesu ꞉naahikeriine amënda gha Ryobha, itu ntoghuköru abhatööbhiyu gho nchëra e maruusi gha mobhere o Yesu Kirisito uno ꞉iruusiri mara rimu hangʼu.

Abheebhuraaniya 10:5

Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

Abheebhuraaniya 11:7

Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.

Abheebhuraaniya 12:28

Gho ghayo, tubhe torariitabheri Eryobha gho kubha ndetwishereriiri tubhönë obhutëmi bhooche bhuno bhotaaghosingisa. Tubhe torarisëngëra Eryobha gho nchëra ino ekoretegheri na kwo bhunyööhu, na gho sooko,

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

1 Yohana 4:3

Amare uno ataakomokumi Yesu, taaghukangatu na Akörö e Ryobha. Omooto uyo naghukangatu na akörö e mobhisa o Kirisito. Na niinyu, mooghwire kubha akörö iyo nekuucha, ni ibheere nimariri kuucha mo‑se ino.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.