Abheebhuraaniya 5:1 - Eriiraghano Eriihë

¹ Kira Omuchaama Omokoro naare araahoru koru mo‑bhaghëndi bhaache, kubha imeererere amangʼana gha Ryobha gho ghiri e bhaato. Wiiki iwe nahaaruuseri Eryobha amaruusi na chatyenyi che ghosireekereri gho ghiri e masari gha bhaato.

Abheebhuraaniya 5:1 ပူးပေါင်းရင်းမြစ်များ

Abharuumi 15:17

Ibheere, hano nekorihökëri Eryobha gho changuru che Kirisito Yesu hangʼu, nekwihachera obhutamishi bhuyo.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Abheebhuraaniya 10:11

Kurëngʼaana ne Eriiraghano re Kare, chaasiko choose abhachaama bha Bhayahuuti mbahaarihökëri Eryobha na koruusi amaruusi ghaare ghaare mara kaaru ghano ghataaghotora naabha koruusi amasari.

Abheebhuraaniya 10:12

Amare Kirisito ꞉niiruusiri mara rimu hangʼu kubha amaruusi gho ghiri e masari ghiito. Iwe niwe amaruusi ghano gha ghwisha emiishe ghyose. Gho ghayo niikeere eribhaara re kubhökö gho kwiro kwo Ryobha.

Abheebhuraaniya 11:4

Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abheebhuraaniya 7:27

Abhachaama abhakoro mbaare bharëëndëru koruusi kira orosiko, amaruusi gho ghiri e masari ghaabho. Eriibhagha ꞉bhaaköriri hangʼu, mbaare bhararuusi amaruusi aghande gho ghiri e masari gha bhaato abhande. Wiiki mbaare bharaköra hangʼu mara kaaru. Amare Yesu ꞉niiruusiri mo‑musarabha mara rimu hangʼu gho ghiri e masari gha bhaato bhoose.

Abheebhuraaniya 8:3

Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

Abheebhuraaniya 8:4

Aribha Yesu angëndëriire ghwikara mo‑se ino, tangabheere Omuchaama Omokoro naabha, gho kubha mo‑se ino mbaanyi‑ho abhachaama bhano bhakoruusi amaruusi kurëngʼaana ne emeghiro ghe Musa.

Abheebhuraaniya 9:9

Emeremo ghyose ghino gheere gheraköru mo‑riibhuru riire n‑eghetuubhaani ke meremo ghe riibhagha rino. Nekwërëki kubha, amaruusi na chatyenyi che ghosireekereri ghano ꞉ghaare ghararuusibhu kwo Waryobha, ghataare gharatora koruusi amasari koru mo‑metema ghe bhaato bhano ꞉bhaare bhararisëngëra Eryobha.