Abheebhuraaniya 4:16 - Eriiraghano Eriihë

¹⁶ Gho ghayo, tubhe abhasubhesubhe ghwishuka ambërë e Ryobha re ghareeya kubha retorigheri changori na ghototoori gho ghareeya yaache hano tookubha mo‑nyaako.

Abheebhuraaniya 4:16 ပူးပေါင်းရင်းမြစ်များ

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 3:12

Mbe, gho ghughöötana kwito na Kirisito gho nchëra e komokumi, ntoonyi no obhosubhesubhe no obhotoro bho koriishukerera Eryobha kwo miitëngʼërö amakoro.

Abheebhuraaniya 13:6

Nikyo toghotora ghosiikëra ino totaanyi na ahaho kubha, “Omutëmi Waryobha niwe aghontoori eni, nteeghotiina egheghiro ghyokyose. Kana omooto nibhu aghunköra?”

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Abheebhuraaniya 7:19

꞉Ndeegheruusiri gho kubha emeghiro ghiyo ghetaare no obhotoro bho kohikeerani egheghiro ghyokyose, amare ibheere Eryobha ndetoheere amiitëngʼërö aghande ghano ghaanyi no obhwëra bhokoro, gho kohetera ghayo, ntoghotora koriishukerera.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

Abheebhuraaniya 9:5

Ighoro e risandëkö riyo ncheere‑ho chasanaamu che bhetyenyi bhibhere bhino bheere bhërëërëki obhokumi obhokoro bho Ryobha. Ebhetyenyi bhiyo mbeere na amabhabha ghano ghakundekiiri erisandëkö ahaghiro hayo habherekiiru, eghetumbe ghe changori. Amare eriibhagha rino totaaghotora ghoghatöngöchi bhoheene ghoose ghayo kebhuno ghaanyi.

1 Bheetero 2:10

Hayo ekeenyuma, motaare abhaato bha Ryobha, amare ibheere inyu n‑abhaato bhaache moonyi. Wiiki motaare morochiiru changori ne Eryobha, amare ibheere, morochiiru changori.