Abheebhuraaniya 4:12 - Eriiraghano Eriihë

¹² Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Abheebhuraaniya 4:12 ပူးပေါင်းရင်းမြစ်များ

Ruuka 8:11

“Egheteemoro ghe ghetuubhaani kiyo n‑kubha, chambusuru, n‑angʼana e Ryobha.

Yohana 12:48

Omooto wowoose uno akonyanga eni haghirohamu na amangʼana ghaane, naanyi na uno akuucha komotenera ekiina. Amangʼana ghano nebhughiri nigho ghakuucha komotenera ekiina orosiko ro ntenero.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Amaköri gha Bhatomu 2:37

Abhaato bhayo, hano bhooghwire amangʼana ghayo, ghakabhangʼuuta chwee mo‑metema gheebho. Bhakamobhoori Bheetero na abhatomu abhaghëndi bhaache bhakabhugha, “Abhahiiri bhiito, ibheere tukörë bhu?”

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Amaköri gha Bhatomu 5:33

Hano abhakoro bhayo bhooghwire ghayo, bhaghakarara chwee, mbaare bharëënda kobhiita abhatomu bhayo.

Amaköri gha Bhatomu 7:38

Musa uyo, naare ariikara haghirohamu na bhasookoro bhiito mwibhara. Niwe uno ꞉asiikiire na marayika mo‑gheghoro ghe Sinaayi. Akahaabhu amangʼana gha bhuhöru, aghaturëëtëra itu.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

1 Abhakorinto 1:24

Amare ghokoobho bhano Eryobha rebhabherekiire kubha abhaato bhaache, bhabhe Abhayahuuti hamu Abhayunaani, Kirisito niwe changuru na amangʼiini gha Ryobha.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

Abhaebheeso 5:13

Amare aribha gharabha mo‑bhwero, ngakorighibhu haheero, gho kubha obhwero mboghogharëngaari. Aribha obhwero bhorarëngaari, kino keenyi mo‑kengʼuuri ghetaaghusaagha hangʼu hangʼu kyose ngeekubha no obhwero.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Abhaebheeso 6:17

Obhotoori, bhubhe kinya eriihima re kyoma mo‑mitu gheenyu, na angʼana e Ryobha, ibhe kinya ekinyamiino kino mokuhaabhu na Akörö Ahörëëru.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

Abheebhuraaniya 13:7

Mobhahiite abhakangati bhano ꞉bhaare bharabheeghi angʼana e Ryobha. Mwihëëbhë amaköri ghaabho ghano ꞉bhaare bharaköra mo‑riimanya reebho na mweghe obhokumi bhoobho.

Abheebhuraaniya 6:5

Wiiki abhaato bhano mbeeche kubha ghaare Eryobha rebhughiri m‑machömu na kumënya changuru che bhotoro bho Ryobha mo‑se ino ekuucha.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

Obhohunyurëru 1:16

Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Obhohunyurëru 19:21

Omooto uyo are ikeere ighoro e bharaasi ayeero, akahökëri ekinyamiino kino ꞉keeruure mo‑monu waache ghwita bhano bhasaaghiri. Ne ebhinyönyi bhiyo bhyose bheekare chaanyama cheebho, bheghiighöta chwee.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.