Abheebhuraaniya 3:1 - Eriiraghano Eriihë

¹ Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abheebhuraaniya 3:1 ပူးပေါင်းရင်းမြစ်များ

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 20:27

Mbe, Yesu akamobhoorera Tomaso akabhugha, “Oo Tomaso, nuuche onturi ne ekyara keecho mo‑mabhökö ghaane. Wiiki, onturi no okubhökö koocho mo‑rubharu roone. Ötëëndërëra kwanga ghokumi, amare okumi.”

Amaköri gha Bhatomu 1:15

Eriibhagha riyo, abhaghëndi bha Yesu bhano ꞉bhaare bhiikomiine muyo mbaare, eriighana rimu na miröngö ebhere. Niho Bheetero akiimeerera ghateghate yaabho,

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Abharuumi 15:27

Nibho abheene ꞉bhiisheriiri ghuköra hangʼu. Amare m‑mahëënë kubha mbaanyi na asiire e kobhatoori, gho kubha abhaato bha matöngö bhano bhakumiri mbasangiri haghirohamu na Abhayahuuti mo‑rubhango ro ghotooribhu runo rohaahetera kwo Bhayahuuti. Gho ghayo, bhayo mbakwëndëru bhabhatoori Abhayahuuti kwo bheghiro bheebho.

Abharuumi 15:8

Mohiite kubha, Kirisito ꞉niichiri kobhahökëri Abhayahuuti, abhëërëki kubha, Eryobha n‑de bhuhëënë, ꞉ndiiköriri gho nchëra e Kirisito ghoose ghano ꞉riiraghiri bhasookoro bhiito.

Abharuumi 9:24

Mo‑bhaato bhayo nibho itu bhano rebherekiire. Retabherekiire Abhayahuuti abheene, amare koru abhaato bha matöngö.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

1 Abhakorinto 10:17

Omughaate uyo toghusanga itu bhoose n‑umu. Gho ghayo, itu bhoose n‑omobhere umu, nangabha toonyi bhaaru.

1 Abhakorinto 9:23

Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

2 Abhakorinto 1:7

Eriitëngʼërö riito ghokoonyu n‑ikoro, gho kubha ntweche kinya bhuno mokunyaaka kinya itu, nibhu moghughambisanibhu kinya itu.

2 Abhakorinto 9:13

Emeremo ghiyo ngekwërëki kubha inyu n‑abhatamishi bhachömu, na kohetera ghayo, abhaato mbakoreghongi Eryobha. Mbakoreghongi gho ghiri mbakorighi kebhuno mokoyesooka Angʼana Anchömu ighoro e Kirisito. Wiiki mbakoreghongi hano bhakorighi obhusambaaroku bhoonyu gho nchëra e ghusanga ebheghiro bheenyu haghirohamu nabho na abhande bhoose.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhakorosaayi 1:12

mubhe moramwitabheri Taata gho kubha nabhasakiiri ghusanga aghabho e bhaato bhaache mo‑bhutëmi bho mirëngaari.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

1 Abhatesaronike 5:27

ˆNekabhariishi ariingʼa kwo bhukangati bho Mutëmi Yesu kubha, anyaarubha ino mobhasömërë abhahiiri bhiito bhoose.

2 Abhatesaronike 1:11

Gho ghayo, ntokobhasabhera chaasiko choose. Ntoghusabha Eryobha riito rebhabhare kubha murëngʼaanere ghwikara kinya bhuure ꞉reebhabherekiire. Wiiki ntokorisabha kubha, kwo bhotoro bhooche rehikeerani amangʼana machömu ghano mokwënda ghuköra na rehikeerani emeremo gheenyu ghyose ghe bhokumi.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

1 Timotewo 6:2

Aribha mbaanyi‑ho abhasësë bhano abhantomonkoro bhaabho n‑abhakumi abhaghëndi bhaabho, iyo etabha eghitaamereri ke bhasësë kobhataraaha. Mbakwëndëru kobhahökëri bhoheene na ghokera hayo, gho kubha mbaakubha bharabhatoori abhakumi abhaghëndi bhaabho, wiiki m‑bhasiighani bhaabho. Ghayo ogheeghi na ghoghatöngëra.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

2 Timotewo 2:7

Timotewo, wiituuri chwee ighoro e mangʼana ghano ˆneghakobhoorera. Omutëmi Waryobha naghokuha obhotoro bho ghoghamënya ghoose.

Abheebhuraaniya 10:19

Inyu abhahiiri bhaane, gho nchëra e masaahë gha Yesu, itu ntoonyi no obhohuuru bho ghusöha Ahaghiro Ahatööbhiyu ha Hatööbhiyu gho kohetera amasaahë gha Yesu totaanyi no obhotiini.

Abheebhuraaniya 10:21

Itu ntoonyi nawe Omuchaama Omokoro uno anyi omwimeereri o bhaato bha mo‑nyumba e Ryobha.

Abheebhuraaniya 10:23

Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

Abheebhuraaniya 2:11

Yesu haghirohamu na abhaato bhano akomusa amasari ghaabho, Ishe waabho n‑umu. Nikyo ghighëriri Yesu taanyi na chaasoni kobhabherekera kubha abhahiiri bhaache.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abheebhuraaniya 3:12

Inyu abhahiiri bhaane, mubhe miisho kubha ataacha kubhönëka omooto wowoose ghateghate yaanyu uno anyi no omukörö omobhe, uno ataaghokumi, uno akwiyaahura koru kwo Ryobha rino reenyi ihöru.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abheebhuraaniya 6:20

Yesu nakangatiri na ghusöha ahaghiro hayo gho ghiri yiito. Nawe akabha Omuchaama Omokoro o miishe ghyose, kinya bhuno Merikiseteeki are.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

Abheebhuraaniya 7:28

Kurëngʼaana ne emeghiro ghe Musa, abhaato mbaare bharatooru kubha abhachaama abhakoro, nangabha ꞉bhaare bharataasi mo‑mangʼana maaru. Amare hano eriibhagha irë rehetiri, Eryobha ꞉ndiirahiiri hano remotooriri Omoona waache kubha Omuchaama uno ahikeriine emiishe ghyose.

Abheebhuraaniya 9:11

Kirisito ꞉niichiri kubha abhe Omuchaama Omokoro o mangʼana amachömu ghano ghakuucha. Iwe niwe aghuköra emeremo mo‑riibhuru erende ichömu wiiki ndehikeriine ghokera riire e rimbërë. Eriibhuru riyo retaabhëkuru na abhaato, niko kobhugha, eriibhuru rino retaanyi re mo‑se ino.

Abheebhuraaniya 9:15

Gho ghayo, Yesu niwe akobhaghöötani abhaato ne Eryobha mo‑Riiraghano Eriihë kubha abhaato bhano Eryobha rebhahwire bhabhönë obhuhöru bho miishe ghyose bhuno ꞉riiraghiri kobhaha. Ghano ngaghotora ghuköru hangʼu gho kubha Yesu ꞉naakuure kubha abhatingori abhaato koru mo‑masari ghano ꞉bhaare bharaköra mo‑Riiraghano re Kare.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

1 Bheetero 3:5

Hangʼu nibhu ꞉bhaare bhariichöcha hayo kare, abhakari bhano bhariitëngʼiire Eryobha, ino bharasooka abhasubhe bhaabho.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.