Abheebhuraaniya 2:9 - Eriiraghano Eriihë

⁹ Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

Abheebhuraaniya 2:9 ပူးပေါင်းရင်းမြစ်များ

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 6:28

“Ngwake mokwinyaaki ighoro e maghööti? Mumööhërëri ebhibhari bhe mwiteregho kinya bhehaabhari. Bhetaaghuköra omoremo, koru bhetaaghwitumera amaghööti.

Maariko 9:1

Yesu akëëndërëra kobhabhoorera akabhugha, “Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhataamara bharighi obhutëmi bho Ryobha bhoraacha gho changuru.”

Ruuka 9:27

“Mbe, mahëënë ˆnekabhabhoorera, ghate e bhaato bhano bhiimeeriire hano, mbaanyi‑ho abhande bhano bhataaghoku, bhataamara bharighi obhutëmi bho Ryobha!”

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Yohana 12:32

Eni eriibhagha neghotiiribhu, nekobharuta abhaato bhoose bhaache ghokoone.”

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 8:51

Mahëënë ˆnekabhabhoorera, omooto wowoose uno aghoghatambana ameeghi ghaane, taaghoku naabha.”

Yohana 8:52

Mbe, Abhayahuuti bhakamobhoorera Yesu bhakabhugha, “Ibheere ˆtokamënya kubha iye noonyi no omusambu! Abhurahamu ꞉naakuure, abharööti bhoose mbakuure, amare iye nokobhugha, ‘Omooto wowoose uno aghoghatambana ameeghi ghaane, taaghoku naabha.’

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Abharuumi 5:18

Gho ghayo, kinya bhuno abhaato bhoose ꞉bhaateniiru ekiina kurëngʼaana ne eriisari rimu re mooto, hangʼu hangʼu abhaato bhoose mbakubhareru kubha mbaanyi no obhuhëënë ambërë e Ryobha, gho kohetera obhuhëënë bhuno aköriri omooto umu. Gho ghuköra hangʼu, abhaato bhoose bhakahaabhu obhuhöru bho miishe ghyose.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abheebhuraaniya 1:9

Iye nohaasiigha ghaare ghaanyi amahöriicho, na kurëgha ghoose ghano ghaanyi amabhe. Gho ghayo Eryobha, Eryobha reecho, ndekuhakiri amaghuta ghano ghaghëriri ubhe no oghuchömëru, kubha aghukörë omokoro, ghokera abhaghëndi bhaacho bhoose.”

Abheebhuraaniya 10:5

Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

Abheebhuraaniya 11:5

Obhokumi ꞉mbuuköriri Henooki aghaghëghu koru hano mo‑se, atakuure. Bhataamorooche wiiki gho kubha Eryobha ꞉ndeemwimokiri ghuye Mwishaaro. Koru Amandëkö Amatööbhiyu ngakwibhateri kubha, hano are akeere ghughëghu, naare ararichömëri Eryobha.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 2:7

꞉Noomoheere omooto changuru insuuhu ghokera bhamarayika kwo riibhagha ighuhe. Amare ibheere nomoheere uyo obhokumi obhokoro na asooko,

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

Abheebhuraaniya 8:3

Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

Obhohunyurëru 19:12

Amiisho ghaache ngaare kinya orumëmi ro mororo, iwe naare abheekiri chahuuru chaaru che ghitëmi mo‑mutu waache. Naare andëkuru eriina rino retamënyuru no omooto owonde, nanyinga iwe omwene chiri.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.