Abheebhuraaniya 2:3 - Eriiraghano Eriihë

³ Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Abheebhuraaniya 2:3 ပူးပေါင်းရင်းမြစ်များ

Mataayo 23:33

Inyu bhano moonyi kinya anchöka, na niinyu bhano moonyi kinya abhaana bha machöka! Nibhu moghotora ghwisacha anchagho e Ryobha e mwiribha re mororo?

Mataayo 4:17

Korwera eriibhagha riyo, Yesu nasëëmiri kuraghani arabhugha, “Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Maariko 1:14

Hano chehetiri chaasiko chaaru, Yohana akabhöhu mwighërëcha. Eriibhagha are mwighërëcha, Yesu aghaye mo‑mukööwa o Ghariraaya, ino araraghani Angʼana Anchömu e Ryobha.

Ruuka 1:2

Amangʼana ghayo, ꞉mbaaghaandëkiri kinya ꞉toobhooriiru na abhaato bhaare bhagharooche korwera simoka e meremo ghe Yesu. Wiiki nibho ꞉bhaare bharasanchi angʼana e Ryobha.

Ruuka 1:69

Natoheere Omotoori o bhotoro. Omotoori uyo naakubha o mo‑rwibhoro ro mutamishi waache Tawuti,

Ruuka 24:19

Yesu woose akabhoori akabhugha, “Mangʼana ke ghayo?” Bhakamugharokeri bhakabhugha, “Itu ntoghosiikëra ighoro e ghano ꞉ghaakörëkiine o‑Yesu o Nasareeti. Eryobha na abhaato bhoose ꞉mbaarooche kubha, iwe m‑murööti are, wiiki naare no obhotoro bho ghuköra na ghosiikëra.

Yohana 15:27

Wiiki inyu bhoose moghungambëra amangʼana ghaane, gho kubha moore haghirohamu na neeni korwera ekeenyuma.”

Amaköri gha Bhatomu 1:22

korwera hano Yesu abhatiisuru na Yohana, mbagha eriibhagha rino aghëghuru ghuye Mwishaaro. Uno akwahöru, nakwëndëru tughöötane nawe tobhabhoorere abhaato ighoro e koryoka kwo Yesu.”

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

Abharuumi 2:3

Amare iye omusaani waane, noghotenera ekiina abhaato abhande ino na niiye noghuköra amangʼana ghayo ghayo. Kana! Noghwituuri kubha noghotora kwibhareka ghoteneru ekiina ne Eryobha?

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhatesaronike 5:3

Hano abhaato bhakobhugha kubha, “Ntoonyi no omurëmbë, wiiki m-bhoheene toonyi,” hayo niho obhobhe bhohaabhatakaneri. Obhobhe bhuyo mbokobhataakani, kinya obhosongo bhohaamure omukari uno anyi inda. Koru hangʼu, abhaato bhataaghotora ghoghiisacha ghayo.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

Abheebhuraaniya 1:1

Hayo kare, Eryobha ꞉ndeesiikiire na bhasookoro bhiito gho kohetera abharööti mara kaaru na gho chanchëra haghare haghare.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Abheebhuraaniya 1:2

Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

Yuuta 1:17

Amare inyu abhasiighani, mohiite amangʼana ghano abhatomu bha Mutëmi wiito Yesu Kirisito ꞉bhaabhughiri.

Obhohunyurëru 7:10

Bhaakabha bharatiiri amaraka bharabhugha, “Obhotoori mbookoru kwo Waryobha wiito, uno ikeere mo‑ghetumbe ghe ghitëmi, na kwo Moona o Ngʼöndu.”